Thirrja e fundit e Bashës për protestën: Asnjë lule nuk dëmtohet, por...

Publikuar tek: politike, më 21:47 23-04-2017 Thirrja e fundit e Bashës për protestën: Asnjë lule nuk dëmtohet, por...

Kreu i Partisë Demokratike, Lulzim Basha, ka përsëritur edhe një herë për sot, thirrjen për pjesëmarrje në protestë ditën e nesërme, duke shtuar se gjatë një ore nuk do të shënohet ansjë incident.

Basha thotë se protesta do bllokojë për 1 orë trafikun rrugor në disa prej akseve kryesore të vendit, por “trafiku i drogës, trafiku i krimit, trafiku i votave, trafiku i parave të pista të korrupsionit do të marrin fund një herë e mirë”.

Postimi i Bashës në Facebook:

Nesër mes orës 11:00 dhe 12:00 qytetarët do të bllokojnë transportin kombëtar anembanë Shqipërisë. Në rrethrrotullimin e Shqiponjës dhe në kryqëzimin e teknologjikut në Tiranë, në rrethrrotullimin e Plugut, në rrethrrotullimin e Rrugës së Kombit në Milot, në rrethrrotullimin e Bradasheshit e kudo do të jenë qytetarët e veriut, jugut, lindjes, perëndimit dhe të gjithë Shqipërisë.

Asnjë lule nuk do të dëmtohet, asnjë gjë nuk do të thyhet. Trafiku do të bllokohet për një orë, por trafiku i drogës, trafiku i krimit, trafiku i votave, trafiku i parave të pista të korrupsionit do të marrin fund një herë e mirë. Dhunë në protestat e opozitës së bashkuar dhe qytetarëve të Republikës së Re nuk ka e nuk ka për të patur! Dhuna është tipar i dobësisë morale, dhuna është tipari dallues i frikacakëve dhe ne jemi njerëz të kurajos qytetare.

Policia e shtetit, burrat dhe gratë me uniformë, të cilët ndajnë të njëjtat halle me qytetarët shqiptarë duhet ta dinë se tek qytetarët e bashkuar nesër do të gjejnë forcën pozitive dhe paqësore që lufton edhe për të drejtat e tyre dhe të gjithë atyre që nëpërkëmben, që keqtrajtohen dhe që frikësohen nga ky pushtet. #NgrihemiBashke #ZgjedhjeTeLira #RepublikaeRe

Sondazh

Më shumë në këtë kategori: « Si i përgjigjet Rama liceistes që i thotë “mjaft ju qurravite Metës dhe PD-së”
Pse dështoi tryeza e Nishanit me partitë? E zbulon këshilltari i Presidentit »
Article Logic
Execution time: 0.013842821121216
array(1) { ["section"]=> string(73) "thirrja-e-fundit-e-bashes-per-protesten-asnje-lule-nuk-demtohet-por-76190" }