Trafikim kokaine nga Amerika Latine, kush është shqiptari që u ekstradua nga Spanja në Itali, në shtator u pragosën krerë të rëndësishëm të bandës

Publikuar tek: rajon, më 20:42 27-01-2021 Trafikim kokaine nga Amerika Latine, kush është shqiptari që u ekstradua nga Spanja në Itali, në shtator u pragosën krerë të rëndësishëm të bandës

Një 37-vjeçar shqiptar është ekstraduar nga Spanja drejtë Italisë.

I arrestuari është Sokol Memaj, i cili akuzohet për përfshirje në organizata kriminale me synim trafikun e drogës, ndaj të cilit ishte lëshuar një urdhër-arresti nga Gjykata e Firences.

Shqiptari është i arrestuar në kuadër të operacionit të koduar “Los Blancos” i cili coi në shkatërrimin e një kartele shqiptare në trafikun e drogës, e quajtur “Compania Bella”, e cila trafikonte sasi të mëdha kokaine nga Amerika Latine drejt Europës. Ky operacion çoi në arrestimin e rreth 30 trafikantëve shqiptarë atë kohë.

Mediat e huaja bëjnë me dije se hetimet kanë nisur në vitin 2015 dhe gjatë kësaj periudhe janë mbi pesë milionë e gjysmë euro dhe pothuajse 4 ton kokainë që janë kapur dhe sekuestruar nga Policia.

Njoftimi i policisë pas operacionit në shtator të 2020:

Finalizohet një tjetër operacion ndërkombëtar antidrogë, në bashkëpunim me homologët, i koordinuar nga Europol, Eurojust dhe Shërbimi i Bashkëpunimit Ndërkombëtar Policor.

Operacioni ndërkombëtar antidrogë i koduar “LOS BLANCOS”, i shtrirë në disa shtete, si Itali, Shqipëri, Belgjikë, Emiratet e Bashkuara Arabe, Gjermani, Greqi, Holandë, Rumani, Hungari dhe Ekuador, për goditjen e një grupi kriminal në fushën e trafikimit të drogave të forta.

Në Shqipëri operacioni është zhvilluar nga Departamenti i Policisë Kriminale, në bashkëpunim me Drejtoritë Vendore të Policisë Tiranë, Vlorë, Lezhë, Durrës e Shkodër, me mbështetjen e Forcës së Posaçme Operacionale në Policinë e Shtetit, të Njësisë së Kërkimit “Fast” dhe të Zyrës së  Interforcës në Shqipëri.

Si rezultat i operacionit, në Tiranë, Vlorë, Lezhë e Durrës, janë kapur dhe arrestuar me qëllim ekstradimi, 5 të kërkuar, konkretisht:

Në Tiranë është kapur dhe arrestuar me qëllim ekstradimi shtetasi G. M., 35 vjeç, banues në Tiranë, Gjykata e Firences, Itali, i ka caktuar masën e sigurisë “Arrest në burg”,  për kryerjen e veprës penale “Pjesëmarrja në organizatë kriminale, me qëllim trafikimin e lëndëve narkotike”.

Në Vlorë janë kapur dhe arrestuar me qëllim ekstradimi shtetasit E. J., 27 vjeç dhe J. Ll., 31 vjeç, pasi Gjykata e Firences, Itali, iu ka caktuar masën e sigurisë “Arrest në burg”, për kryerjen e veprës penale “Pjesëmarrja në organizatë kriminale, me qëllim trafikimin e lëndëve narkotike”.

Në Durrës është kapur dhe arrestuar me qëllim ekstradimi, shtetasi R. I., 33 vjeç, pasi Gjykata e Firences, Itali, i caktuar masën e sigurisë “Arrest në burg”, për veprën penale “Pjesëmarrja në organizatë kriminale”.

Në Lezhë është kapur dhe arrestuar me qëllim ekstradimi shtetasi V. L., 40 vjeç, pasi Gjykata e Firences Itali, e ka dënuar me 24 vite burg, për veprën penale “Shkelje e ligjit mbi drogat“.

Gjatë operacionit, Skuadra Mobile e Firences dhe Shërbimi Central Operativ i Policisë, në bashkëpunim me skuadrat e tjera kompetente lëvizëse, organet e policisë të shteteve të Bashkimit Evropian në fjalë dhe Policinë e Shtetit shqiptar, kanë ekzekutuar masat e sigurisë “Arrest në burg”, për 30 shtetas, për veprën penale “Pjesëmarrja në organizatë kriminale, me qëllim trafikimin e lëndëve narkotike”.

Nga hetimet ka rezultuar se një shtetas shqiptar drejtonte një kompani të quajtur “KOMPANIA BELLO”, që merrej me importimin e ngarkesave të mëdha të kokainës nga Amerika e Jugut, të financuara nga grupe të rëndësishme të trafikantëve të drogës që veprojnë në të gjithë Evropën.

Hetimet kanë nisur në vitin 2015 dhe gjatë kësaj periudhe janë mbi pesë milionë e gjysmë euro dhe pothuajse 4 tonë kokainë që janë kapur dhe sekuestruar nga Policia.

Edhe gjatë këtij operacioni mjaft të rëndësishëm, Policia e Shtetit tregoi profesionalizëm në përmbushjen e detyrave gjatë gjithë fazave të operacionit, çka tregon edhe njëherë vendosmërinë dhe seriozitetin e Policisë së Shtetit për të luftuar bashkërisht me homologët, krimin e organizuar dhe terrorizmin.

Sondazh

Më shumë në këtë kategori: « Zbulohet shkaku i vrasjes së Albert Krasniqit nga babai në bodrumin e shtëpisë në Prishtinë (Pamje nga vendngjarja)
Reagon 15-vjeçarja shqiptare që u shpall e zhdukur: Kam ikur me të dashurin »
Article Logic
Execution time: 0.012271881103516
array(1) { ["section"]=> string(151) "trafikim-kokaine-nga-amerika-latine-kush-eshte-shqiptari-qe-u-ekstradua-nga-spanja-ne-itali-ne-shtator-u-pragosen-krere-te-rendesishem-te-bandes-236650" }