Tregoi videon me armë të nënës së 15-vjeçarit, Ardi Veliu kërkon ndjesë: Krijova keqkuptim, mos baltosni policinë

Publikuar tek: aktualitet, më 18:38 29-05-2020 Tregoi videon me armë të nënës së 15-vjeçarit, Ardi Veliu kërkon ndjesë: Krijova keqkuptim, mos baltosni policinë Ardi Veliu

Drejtori i Policisë së Shtetit Ardi Veliu kërkon ndjesë për publikimin e një video të Zaida Çobos, nëna e 15-vjeçarit që u dhunua nga policia, duke thënë se shpjegimi i tij është nxjerrë jashtë kontekstit.

Veliu thotë se e bëri ilustrimin për të treguar që nuk mund të fajësohen të gjithë punonjësit e policisë, ndësa rithekson se polici që dhunoi minorenin është pezulluar nga puna.

Kryepolici kërkon ndjesë, por thotë se ky rast nuk duhet shfrytëzuar për të përbaltur uniformat blu.

REAGIMI I PLOTË:

Deklaratë e Drejtorit të Përgjithshëm të Policisë së Shtetit Ardi Veliu:

Jam i keqardhur që Policia e Shtetit bëhet rregullisht shënjestra e atyre që kurrë nuk e thanë një fjalë motivuese për të dhe sot përsëri e njëjta gjë.

Ndërkohë që ne jemi organizata më rigoroze në goditjen e fenomeneve brenda vetes, mjafton që një punonjës i ynë të bëjë një gabim dhe megjithëse ndëshkohet në radhë të parë prej nesh, prapëseprapë goditja vijon ndaj Policisë së Shtetit.

Sot unë jam vënë personalisht në shënjestër dhe më vjen keq për deformimin që po i bëhet realitetit të ngjarjes për të cilën fola dhe vetë qasjes sime ndaj saj.

Së pari, fjala ime nuk mund të nxirret nga konteksti siç po bëhet.

Së dyti, kam bërë një ilustrim të idesë se nuk mundet të fajësohet gjithnjë e vetëm punonjësi i Policisë duke u kapur pas një fotoje të rastit, pa konsideruar tërë kontekstin e një situate.

Së treti, kam sqaruar se punonjësi në fjalë është pezulluar dhe ka nisur hetimi disiplinor dhe penal për të.

Së katërti, unë po komunikoja hapur me deputetët, një shqetësim që është i mbarë punonjësve tanë, për demonizimin që i bëhet figurës së Policit të Shtetit dhe nuk doja të thosha më shumë se kaq.

Por në fund dëshiroj t'u them të gjithë atyre që po e gjykojnë me ngut këtë "krim" të radhës, se nëse nuk kam arritur dot ta sqaroj si duhet atë çka kisha qëllim, kjo nuk mjafton për të më gjykuar me qëllim.

Këtë detyrë e kam mbajtur dhe do ta mbaj deri në fund me nder dhe puna ka folur e do të flasë për mua dhe Policinë e Shtetit më mirë se sa fjalët tona.

Ndjesë nëse kam krijuar një  keqkuptim me komentin tim dhe besoj se kushdo që do të gjykojë pa paramendim dhe pa e menduar edhe këtë si rastin e radhës për të baltosur Policinë e Shtetit, do të gjejë arsye për ta pranuar ndjesën time!

Sondazh

Article Logic
Execution time: 0.0097711086273193
array(1) { ["section"]=> string(117) "tregoi-videon-me-arme-te-nenes-se-15-vjecarit-ardi-veliu-kerkon-ndjese-krijova-keqkuptim-mos-baltosni-policine-208322" }