U bënë ‘tap’dhe u zunë me njëri-tjetrin, arrestohet 30-vjeçari në Gramsh, shpallet në kërkim një tjetër dhe precedohen penalisht 4 persona (SI E GËNJYEN POLICINË)

Publikuar tek: aktualitet, më 17:18 11-07-2020 U bënë ‘tap’dhe u zunë me njëri-tjetrin, arrestohet 30-vjeçari në Gramsh, shpallet në kërkim një tjetër dhe precedohen penalisht 4 persona (SI E GËNJYEN POLICINË) Ilustruese

Policia e Gramshit ka arrestuar një person dhe ka shpallur në kërkim një tjetër, të cilët pasi kanë pirë janë konfliktuar me njëri-tjetrin duke prishur qetësinë publike.

Në pranga ka rënë shtetasi E. B., 30 vjeç, për veprat penale "Plagosja e lehtë me dashje” e kryer në bashkëpunim, "Shkatërrimi i pronës” dhe “Prishja e qetësisë publike”.

Ndërsa është shpallur në kërkim shtetasi S. K., 31 vjeç, banues në Gramsh.

Policia njofton se përveç dy shtetasve të përmendur më lartë janë proceduar penalisht edhe katër të tjerë të përfshirë në konflikt.

Mësohet se pas sherrit shtetasi F. B., 33-vjeç ka njoftuar se i kanë marrë peng vëllain, por pretendimi i tij nuk qëndroi pasi i vëllai është gjetur në banesë.

Njoftimi i policisë:

Në kundërshtim me protokollet e sigurisë dhe nën efektin e pijeve alkoolike, prishën qetësinë publike duke u konfliktuar me njëri-tjetrin, vihet në pranga 30-vjeçari, shpallet në kërkim një 31-vjeçar, si dhe procedohen penalisht edhe 4 personat e tjerë të përfshirë në konflikt.

Ndëshkohet me masë administrative për shkelje të protokollit të sigurisë pronari i lokalit ku ndodhi konflikti.

Shërbimet e Policisë Gramsh, pas marrjes së njoftimit për një konlikt mes disa personave në një lokal dhe se shtetasi që njoftoi Policinë pretendonte se i kishin marrë me forcë në mjet të vëllanë, kanë shkuar menjëherë në vendngjarje dhe ngritën pika kontrolli, me qëllim kapjen e personave që pretendohej se kishin marrë forcërisht 33-vjeçarin.

Nga tërësia e veprimeve hetimore rezultoi se shtetasit A. B. e F. B. kishin konsumuar pije alkoolike në një lokal, bashkë me shtetasit E. B., S. K., A. M. dhe O. D.

Gjatë konsumimit të pijeve alkoolike, në lokalin e shtetasit O. D., këta shtetas janë konfliktuar fizikisht, duke i shkaktuar njëri-tjetrit dëmtime të lehta fizike.

33-vjeçari, shtetasi F. B., i cili u kallëzua nga i vëllai se ishte marrë forcërisht nga dy persona, kishte shkuar në banesë dhe nuk qëndronte pretendimi i vëllait të tij

Në përfundim të veprimeve u bë arrestimi në flagrancë i shtetasit E. B., 30 vjeç, për veprat penale "Plagosja e lehtë me dashje” e kryer në bashkëpunim, "Shkatërrimi i pronës” dhe “Prishja e qetësisë publike”.

U shpall në kërkim dhe po punohet për kapjen e shtetasit S. K., 31 vjeç, banues në Gramsh.

Gjithashtu u proceduan penalisht për veprën penale “Prishja e qetësise publike”, edhe shtetasit A. M., 27 vjeç, F. B, 33 vjeç, A. B., 34 vjeç dhe O. D., 30 vjeç.

Ndërkohë pronari i lokalit, shtetasi O. D., në zbatim të Aktit Normativ do të ndëshkohet edhe administrativisht për shkelje të protokolleve të sigurisë.

Materialet i kaluan Prokurorisë së Rrethit Gjyqësor Elbasan, për veprime të mëtejshme.

Sondazh

Article Logic
Execution time: 0.0090579986572266
array(1) { ["section"]=> string(164) "u-bene-tap-dhe-u-zune-me-njeri-tjetrin-arrestohet-30-vjecari-ne-gramsh-shpallet-ne-kerkim-nje-tjeter-dhe-precedohen-penalisht-4-persona-si-e-genjyen-policine-213558" }