U infektua me Covid-19, shërohet deputeti Ralf Gjoni: Gati për rikthim në normalitet

Publikuar tek: aktualitet, më 16:46 10-08-2020 U infektua me Covid-19, shërohet deputeti Ralf Gjoni: Gati për rikthim në normalitet

Deputeti Ralf Gjoni ditën e sotme ka bërë me dije se e ka fituar betejën me Covid-19.

Me anë të një postimi në rrjetet sociale Gjoni shkruan se pas dy javësh, I është nënshtuar testit për Covid-19 dhe ka rezultuar negativ.

Ai ka falenderuar dhe mjekët, miqtë e fqinjët të gjithë ata që i aknë qëndurar pranë gjatë periudhës së izolimit.

Ndër të tjera ai u ka bërë thirrje qytetarëve që mos të frekuentojnë ambjente të mbyllura publike pa maskë, të lajnë duart shpesh dhe të evidentojnë kontaktet fizike.

Postimi i plotë:

Përshëndetje miq

Mbrëmë më kanë konfirmuar rezultatin negativ të testit pas dy javësh me Covid 19.

Ndjehem shumë mirë dhe gati për rikthim në normalitet.

Falenderoj Zotin për bekimet e Tij të panumërta si dhe mjekët, farmacisten time, miqtë e fqinjët që më mbështetën gjatë kësaj periudhe izolimi.

Kam kuptuar gjatë këtyre ditëve se për rreth 80% të njerëzve, frika nga ky virus është amplifikuar falë një vale histerie e lajmesh të rreme që qarkullojnë lart e poshtë.

Ndaj larg panikut, larg lajmeve të rreme, POR ama kujdes maksimal brenda kufijve të llogjikës së shëndoshë njerëzore.

Të rinjtë në veçanti po vazhdojnë të tregohen të pakujdesshëm dhe po refuzojnë të kuptojnë se Covid 19 do disa ditë që të inkubohet në trup përpara se t’ia transmetojnë atë të moshuarve që kanë në shtëpi.

Edhe pse shumica me shumë gjasa do e kalojnë lehtë, 20% e njerëzve do rrezikojnë jetën ose do përfundojnë me komplikacione.

Dhe në kushtet e një vendi si Shqipëria me sistem shëndetësor modest, kujdesi ynë ndaj të tjerëve do ishte një ndihmë e madhe për ekipet mjekësore te tejngarkuara prej rasteve të rënduara nëpër spitale.

Ripërsëris për të gjithë miqtë e mi:

Mos frekuentoni ambjente të mbyllura publike pa maskë.

Lani duart sa më shpesh.

Evitoni në maksimum kontaktet fizike, veçanërisht me të moshuarit.

Nëse ndjeni shenjën më të vogël si temperaturë e lehtë, dhimbje koke, gricje fyti, ethe, frymëmarrje të vështirësuar, djersitje natën, dhimbje trupi, kollë, bllokim hundësh, humbje e nuhatjes/shijes apo çdo shenjë tjetër gripale, duhet të izoloheni menjëherë e të kërkoni kryerjen e tamponit.

Sondazh

Article Logic
Execution time: 0.010164976119995
array(1) { ["section"]=> string(89) "u-infektua-me-covid-19-sherohet-deputeti-ralf-gjoni-gati-per-rikthim-ne-normalitet-216715" }