Vdekja e kryekomisarit Hajdarmataj nga tërmeti, PD kërkon informacion nga qeveria (Kërkesa)

Publikuar tek: aktualitet, më 18:08 06-12-2019 Vdekja e kryekomisarit Hajdarmataj nga tërmeti, PD kërkon informacion nga qeveria (Kërkesa) Selia e PD

Sekretari i Përgjithshëm i Partisë Demokratike Gazment Bardhi, pas kërkesës për informacion mbi mosveprimet ligjore lidhur me dy pallatet në Thumanë, ku humbën jetën për shkak të tërmetit 24 qytetarë, me anë të një kërkese zyrtare i ka kërkuar qeverisë informacione edhe për godinën në zonën e Kavalishencës në Durrës ku humbi jetën kryekomisar Bajram Hajdarmataj.

Me anë të një kërkese zyrtare për informacion, Bardhi i ka kërkuar kryeministrit Edi Rama dhe Ministrit të Brendshëm Sandër Lleshaj, informacion lidhur me verifikimet e kryera në Godinën Nr. 4 të Shtëpisë së Pushimit të Ministrisë së Brendshme në Kavalishenca të Durrësit, e cila u shkatërrua në tërmetin e datës 26 Nëntorit ku humbi jetën kryekomisari Bajram Hajdarmetaj.

Kërkesa e plotë:

Pas kërkesës për informacion mbi mosveprimet lidhur me dy pallatet në Thumanë, ku humbën jetën 24 qytetarë, me anë të një kërkese zyrtare, Sekretari i Përgjithshëm i PD Gazment Bardhi, i kërkon Edi Ramës dhe Ministrit të Brendshëm Sandër Lleshaj, informacion lidhur me verifikimet e kryera në Godinën Nr. 4 të Shtëpisë së Pushimit të Ministrisë së Brendshme Durrës, e cila u shkatërrua në tërmetin e datës 26 Nëntor dhe ku fatkeqësisht, humbi jetën kryekomisari Bajram Hajdarmetaj.

Në mënyrë zyrtare, PD kërkon informacion lidhur me këto 4 çështje:

Pas tërmetit të datës 21 Shtator 2019, a ka kërkuar zyrtarisht dhe a ka kryer Ministria e Brendshme verifikimin e sigurisë dhe gjendjes së Godinës Nr. 4 të Shtëpisë së Pushimit të Ministrisë së Brendshme Durrës? Nëse po, ju lutem na vini në dispozicion dokumentin zyrtar që e provon këtë. A është informuar ose raportuar pranë Komitetit Ndërministror të Emergjencave Civile (KNEC) për gjendjen e kësaj godine?

A u verifikua Godina nr. 4 e Shtëpisë së Pushimit të Ministrisë së Brendshme Durrës pas tërmetit të 21 Shtatorit? Nëse po, kush janë ekspertët që u angazhuan dhe çfarë vlerësimi bënë ata? Lutemi një kopje të aktit të konstatimit/verifikimit të hartuar dhe nënshkruar prej tyre.

A është vlerësuar nga drejtuesit e Godinës se nga konstatimet faktike, lidhur me dëmet e muraturës, objekti nuk mund të funksionojë në kushtet se si është në gjendjen aktuale, pasi muraturat e dëmtuara demonstrojnë rrezikshmëri të lartë? Nëse po, kush ka urdhëruar përdorimin e Godinës dhe mbi çfarë baze është bërë kjo?

A është lajmëruar stafi për gjetjet e ekspertëve dhe për sigurinë e godinës? Nëse po, lutemi na vini në dispozicion kopje të akt njoftimeve.

hajdarmataj.jpg

Kryekomisari Bajram Hajdarmataj, i cili humbi jeten nga termeti i 26 nentorit pasi godina 4 ne zonen e Kavalishences ne Durres ku ai ishte per trajnim, u shemb e gjitha

Sondazh

Article Logic
Execution time: 0.4229679107666
array(1) { ["section"]=> string(95) "vdekja-e-kryekomisarit-hajdarmataj-nga-termeti-pd-kerkon-informacion-nga-qeveria-kerkesa-188624" }