Vdekja tragjike e 2 foshnjeve 5 muajshe në Berat, reagon AKU: Po verifikojmë urgjent qumështin e përdorur

Publikuar tek: aktualitet, më 11:13 29-01-2020 Vdekja tragjike e 2 foshnjeve 5 muajshe në Berat, reagon AKU: Po verifikojmë urgjent qumështin e përdorur foto iustruese

Pas vdekjes së 2 foshnjeve binjake para 3 ditësh në qytetin e Beratit, në rrethana ende të paqarta ka reaguar menjëherë AKU e cila thotë se po merr masa të menjëhershme për të verifikuar nëse shkak i vdekjes së bebeve ka qenë qumështi.

 Kujtojmë se nëna e bebeve Merushe Agalliu, 1 ditë pas vdekjes së fëmijëve është shpregur se ata kanë ndërruar jetë pasi i ka ushqyer me qumësht dhe i ka vënë në krevat. Pak më vonë pasi ka vërejtur se 2 binjakët kishin të ftohtë dhe ka lajmëruar menjëherë ambulancën por ka qenë e kotë pasi foshnjet kishin ndërruar jetë. Sakaq ajo ka deklaruar se bebet kanë qenë të shendetshme dhe pa asnjë problem shëndetësor.

Kurse AKU thotë se ‘janë marrë mostra për analizim të produktit “qumësht pluhur për bebe”, duke përfshirë edhe analizimin e ujit që është përdorur për tretje e produktit, apo edhe rrethana të tjera që organet kompetente po hetojnë'.

Njoftimi i AKU:

“AKU, në bashkëpunim me organet e drejtësisë dhe shëndetësisë, merr masa të menjëhershme për verifikimin e dyshimit mbi helmimin e foshnjave në Qarkun e Beratit.

Autoriteti Kombëtar i Ushqimit, referuar rastit mbi dyshimin e helmimit nga qumështi pluhur për bebe, të dy foshnjeve në qarkun e Beratit, informon se ka marrë masa të menjëhershme në bashkëpunim me organet e drejtësisë dhe institucionet e shëndetësisë, megjithëse nuk ka dalë ende ekspertiza mjeko- ligjore.

Janë marrë mostra për analizim të produktit “qumësht pluhur për bebe”, duke përfshirë edhe analizimin e ujit që është përdorur për tretje e produktit, apo edhe rrethana të tjera që organet kompetente po hetojnë.

AKU siguron konsumatorin se produktet e kësaj kategorie në treg kontrollohen dhe janë produkte që vijnë të çertifikuara nga vendet e BE-së, sigurisht që ndiqen nga Operatorët e Biznesit Ushqimor nën përgjegjësinë kryesore të tyre, edhe nën monitorimin e rreptë të Autoritetit

Kombëtar të Ushqimit. Gjithashtu, ju bëjmë me dije se, referuar sistemit RASFF (Sistemi i Informimit të Shpejtë për Ushqimin dhe Ushqimin për Kafshë) i krijuar nga BE, pas veifikimeve rezultoi se nuk ka pasur asnjë njoftim të kategorisë “Alert” për këto lloj produktesh.

AKU, në kuadër të garantimit të sigurisë ushqimore për konsumatorin, ka marrë të gjitha masat e nevojshme për verifikim dhe gjurmimin e rastit, edhe pse ende nuk është shprehur Mjekësia Ligjore“

Sondazh

Article Logic
Execution time: 0.020178079605103
array(1) { ["section"]=> string(110) "vdekja-tragjike-e-2-foshnjeve-5-muajshe-ne-berat-reagon-aku-po-verifikojme-urgjent-qumeshtin-e-perdorur-193472" }