Vëllai DREJTOR i Edi Ramës shfaqet me Veliajn, ja ç’bëjnë ditën për diell

Publikuar tek: aktualitet, më 13:07 20-04-2018 Vëllai DREJTOR i Edi Ramës shfaqet me Veliajn, ja ç’bëjnë ditën për diell Olsi Rama dhe Erion Veliaj

Vëllai i Edi Ramës, Olsi Rama, njëherazi drejtor i klubit të Partizanit është shfaqur sot krah kryebashkiakut të Tiranës Erion Veliaj.

Rama dhe Veliaj kanë mbjellë pemë në kuadër të nismës së kryebashkiakut.

“Jam shumë i lumtur që edhe në këto ditë të fundit, përpara se të kapim 22 Prillin, do ta tejkalojmë numrin e 122 mijë pemëve të mbjella. Deri para një viti kjo ka qenë një tokë e zënë. Më kujtohet gjullurdia që u krijua asokohe, por toka jo vetëm u lirua, jo vetëm që sot komuniteti rom jeton më mirë, punë për të cilën morëm edhe një çmim, por e gjithë Tirana jeton më mirë. Pra, treguam se si 1% nuk mund të pengojë zhvillimin e 99% të tjerëve, ama ka një mënyrë se si edhe 1% dhe 99% mund të jetojnë më mirë, falë nismave të bashkisë”, tha Veliaj.

Ai falenderoi ekipin e futbollit të Partizanit që u bë pjesë e revolucionit të gjelbër, duke kontribuar për një mjedis më të pastër. “Kush është sportist i mirë, mbi të gjitha është edhe qytetar i mirë, ndaj ju falenderoj, së pari për qytetarinë dhe siç bëni gola në fushë, keni bërë ‘gola’ sot në fushën e qytetarisë. I falenderoj shumë çunat e ekipit që na dhanë një spektakël në këtë fushë”, tha kryebashkiaku.

Drejtori sportiv i Futboll-Klub “Partizani”, Olsi Rama shprehu kënaqësinë që edhe kjo skuadër u bë pjesë e aksionit të gjelbërimit, ndërsa vlerësoi transformimin që ka pësuar Parku i Liqenit. “E falenderoj Bashkinë e Tiranës për punën e mrekullueshme për rinovimin e parkut. Tani shoh një transformim të plotë dhe për këtë jam shumë i lumtur që edhe Partizani po jep kontributin e tij. Kur u tregova djemve për nismën, ata reaguan menjëherë në mënyrë pozitive, jo vetëm për faktin se ndonjëherë stërviten këtu, por sepse nuk janë vetëm sportistë të mirë, por edhe aktivistë të mirë. Tirana po bëhet një qytet metropol, një qytet kozmopolit, që po i rrit vlerat edhe përmes punës së madhe të bashkisë”, tha Rama.

Sondazh

Më shumë në këtë kategori: « 3 orë pritje, revoltohen protestuesit, hedhin fishekzjarre para Gjykatës së Shkodrës
Gjobiten 2 familje në Tiranë, ky është SHKAKU (Kujdes! Mund ta pësoni) »
Article Logic
Execution time: 0.011742830276489
array(1) { ["section"]=> string(79) "vellai-drejtor-i-edi-rames-shfaqet-me-veliajn-ja-c-bejne-diten-per-diell-117620" }