Vendimi i Bashës, anulon aktivitetet për ditën e themelimit të PD-së dhe dhuron fondet për të prekurit nga tërmeti

Publikuar tek: politike, më 21:14 10-12-2019 Vendimi i Bashës, anulon aktivitetet për ditën e themelimit të PD-së dhe dhuron fondet për të prekurit nga tërmeti Lulzim Basha takon banorët e prekur nga tërmeti i 26 nëntorit

Aktivitetet e planifikuara për 11 dhjetorin, ditën e themelimit të Partisë Demokratike janë anuluar, ndërsa kreu i PD-së ka vendosur se të gjitha fondet e përcaktuara për këto aktivitete të shkojnë për të prekurit nga tërmeti.

Këtyre fondeve do t’i bashkohen edhe kontributet e anëtarëve dhe simpatizantëve të PD-së.

Në njoftimin të shpërndarë për mediat, selia blu thekson se “Solidariteti me të dëmtuarit nga tërmeti dhe mbështetja maksimale për ta është mënyra më e mirë për të përkujtuar data të rëndësishme që shënojnë ngjarjet e Dhjetorit 1990, nga Lëvizja Studentore tek shpallja e pluralizmit dhe lindja e Partisë Demokratike”.

Njoftimi i PD: Aktivitetet e planifikuara  për 11 dhjetorin, ditën e themelimit të Partisë Demokratike janë anuluar, dhe të gjitha fondet e përcaktuara për këto aktivitete se bashku me kontribute të anëtarëve dhe simpatizantëve të saj do të shkojnë në ndihmë të personave të goditur nga tërmeti i 26 Nentorit.

Solidariteti me të dëmtuarit nga tërmeti dhe mbështetja maksimale për ta është mënyra më e mirë për të përkujtuar data të rëndësishme që shënojnë ngjarjet e Dhjetorit 1990, nga Lëvizja Studentore tek shpallja e pluralizmit dhe lindja e Partisë Demokratike.

Që prej tërmetit të 26 nëntorit Partia Demokratike ka anuluar disa aktivitete kombëtare per t’ju përkushtuar me të gjitha mundësitë dhe burimet e saj njerëzore situatës pas tërmetit në terren pranë njerëzve në emergjencë. Më herët Partia Demokratike anuloi aktivitetet për 28 nëntorin, kreu i demokratëve anuloi vizita te parashikuara jashtë vendit ndërsa në Ditën e Rinisë me 8 dhjetor, të rinjtë e Forumit Rinor e kthyen në ditë solidariteti duke mbledhur dhe shpërndarë ndihma për familjet e goditura nga tërmeti.

Sondazh

Article Logic
Execution time: 0.007606029510498
array(1) { ["section"]=> string(120) "vendimi-i-bashes-anulon-aktivitetet-per-diten-e-themelimit-te-pd-se-dhe-dhuron-fondet-per-te-prekurit-nga-termeti-189020" }