Vendimi i Qeverisë për rritjen e rrogave, mjeku i njohur publikon dokumentin e bankës: 0 qindarka shtesë, talljen nuk ua kemi borxh

Publikuar tek: aktualitet, më 23:19 22-05-2019 Vendimi i Qeverisë për rritjen e rrogave, mjeku i njohur publikon dokumentin e bankës: 0 qindarka shtesë, talljen nuk ua kemi borxh

Mjeku i njohur Tritan Kalo ka publikuar një dokument të bankës ku ai tërheq rrogën dhe tregon me fakte se qeveria nuk ka mbajtur premtimin e dhënë për rritjen e saj.

Kalo shkruan se pavarësisht zhurmës dhe 'tamtameve' të qeverisë që nga 2018 për rritjen e pagës në prill të 2019, në fakt sipas tij rritja nuk është reflektuar fare.

Mjeku i QSUT ka publikuar gjithashtu dhe VKM e Këshillit të Ministrave, ku mjekët infeksionist duhet të përfitonin 8 mijë lekë të reja ritje. Mirëpo sipas mjekut Tritan Kalo në pagën e tij nuk është reflektuar asnjë ndryshim.

STATUSI I PLOTË I TRITAN KALOS:

TALLJEN nuku ua kemi për borxh….Prej Nëntorit 2018 nuk pushuan së rreshturi tamtamet qeveritare për rritjen më të madhe të pagave, prej 10% që prej fillimeve të zhvillimeve Demon-kratike në vendin tonë, efekti i së cilës do të reflktohej në pagën e muajit Prill 2019….”U mbars mali dhe nuku polli së paku edhe një mi”, dhe e gjitha kjo tamtamajë rilindase përfundoj në rritjen prej ZERO qindarkash të pagës sime, që jam i sigurtë se pasqyron edhe pagat e mijra e mijra gojëkyçurve/oportunistë/konformistë….

Për të mos dyshuar se bëhet fjalë për një shkrim të një “Kadriu” të “Mediave të Kazanit”, media të cilat kanë mbi 1.5 vite që mi kanë mbyllur dyert e tyre, dhe të bazuar në hamendësi, keni këtu të bashkëngjitura 1- VKM-në, 2- Shtesën e pagës për një Mjek Infeksionist, si dhe 3- Dokumentin Bankar ta pagës sime për muajin Prill 2019….Me përgjegjësi morale dhe juridike ju them sa këtë pagë unë firmos prej shumë e shumë vitesh, dhe ajo NUKU është ndikuar në rritjen e saj aspak ose vetëm “një kafe”, nga VKM-të e pas 23 Qershorit 2013, gjoja se “mjekëve me tituj shkencorë nuk u rritet paga”, EDHE pse po në këto VKM flitet për një shtesë page prej 8.000 lekësh për Mjekët Infeksionistë….

NE nuku qënkemi mjekë si të tjerët, dhe përpjekjet tona për t’u kualifikuar më tej qënkan të ndëshkueshme në sytë e kësaj Qeverije.….Ku janë ato pagat e njëjta me mjekët gjermanë, për të cilat na flet KM-ja.....O tempora, o mores….Me këtë politikë vlerësuese të punës dhe përpjekjeve të ndërgjegjësuara të MANTELBARDHËVE, nuku do të jetë e largët dita që në tregun e punës së Shëndetësisë Publike dhe jo vetëm, vështirë se do të mbeten mjekë të mirë-kualifikuar për të mbuluar nevojat e Përkujdes mjeksor ndaj popullatës.….

JU faleminderit që ja mbritët t’ua ktheni Shqiptarëve në fytyrën e tyre ato 1.000.000 shuplakat e 23 Qershorit 2013, të cilat ata jua ofruan për të goditur me to fytyrnxirët e Korrupsionit, të Krimit, të Keq-qeverisjes, të Nepotizmit, të Grabitjeve të pasurivë kombëtare, të Kanabizimit të vendit, të Pasigurisë për jetën, të Legalizimit të pronave të grabitura, të zëna apo të vjedhura, të Emigrimit të detyruar nga pamundësija e punësimit si dhe mungesa e zhvillimeve të qëndrueshmë ekonomike të vendit, etj, etj…..Quo vadis Shqipëria ime!!!

60866477_2531473440210740_4393881689907003392_n.jpg60940974_2531472920210792_8924930955777409024_n.jpg60611406_2531472330210851_8630219293587406848_n.jpg

Sondazh

Article Logic
Execution time: 0.0083439350128174
array(1) { ["section"]=> string(135) "vendimi-i-qeverise-per-rritjen-e-rrogave-mjeku-i-njohur-publikon-dokumentin-e-bankes-0-qindarka-shtese-talljen-nuk-ua-kemi-borxh-165349" }