Vendimi pro zgjedhjeve, reagon Basha: Kolegji Zgjedhor fasadë e Ramës. Plani për destabilizim në 30 qershor... (E PLOTË)

Publikuar tek: politike, më 21:24 24-06-2019 Vendimi pro zgjedhjeve, reagon Basha: Kolegji Zgjedhor fasadë e Ramës. Plani për destabilizim në 30 qershor... (E PLOTË)

Kreu i Partisë Demokratike, Lulzim Basha ka reaguar këtë të hënë në mbrëmje për vendimin e Kolegjit Zgjedhor që i hap rrugë zhvillimit të zgjedhjeve në 30 qershor.

Basha e quajti Kolegjin Zgjedhor si të kapur dhe fasadë e Edi Ramës, duke u shprehur se opozita nuk do ta njohë vendimin.

Në përfundim të fjalës së tij, Basha akuzoi Ramën se po bën plan të destabilizojë vendin në 30 qershor dhe të fusë në luftë me njëri-tjetrin shqiptarët, por një gjë të tillë, tha Basha, PD nuk do ta lejojë të ndodhë.

Deklarata e Bashës:

Kolegji Zgjedhor, fasadë e regjimit të Edi Ramës. Vendimi i tij i parëndësishëm, pjesë e një skenari të trashë.

Kolegji zgjedhor ka marrë sot një vendim krejtësisht të parëndësishëm, por që po përdoret nga Edi Rama si makinacion për të krijuar një ligjshmëri fallco të votimeve farsë të 30 qershorit, të cilat Komisioni Qendror i Zgjedhjeve po i pëgatit dhe zbaton në shkelje të Kushtetutës dhe të çdo ligji.

Kolegji zgjedhor ka kompetencë vetëm shqyrtimin e mosmarrëveshjeve që lidhen me procesin zgjedhor, dhe vetëm në bazë të Kodit Zgjedhor. Asnjë institucion përvec Gjykatës Kushtetuese nuk mund të shprehet për dekretin e Presidentit të Republikës

Vendimi i sotëm kishte disa ditë që dihej si fakt I kryer në rrethet politike dhe mediatike të Tiranës. Është e gjitha një histori makinacioni, e përgatitur në çdo detaj nga Edi Rama.

Me një skenar të trashë, u sajua një kërkesë fallco, nga një parti fallco, në bazë të së cilës kolegji zgjedhor shpalli një vendim të parapërgatitur nga Edi Rama, për ta shitur edhe jashtë vetë objektit të vendimit.

Lehtësia me të cilën ndodhi e gjitha kjo, përpara syve dhe vëmendjes së të gjithë shqiptarëve, tregon jo vetëm kontrollin e plotë që Edi Rama gëzon mbi drejtësinë, dhe mbi çdo institucion të vendit por edhe shpërfilljen totale që ai ka ndaj ligjit, institucioneve dhe demokracisë.

Mbi të gjitha, vendimi i sotëm tregon natyrën fallco dhe fasadë të të gjithë sistemit instituticional shtetëror, i cili ka humbur tashmë çdo funksion kushtetues dhe politik dhe është reduktuar vetëm në funksionin e fasadës, për të mbuluar dhunimin e Kushtetutës, të ligjit dhe të çdo norme demokratike nga Edi Rama.

Pas parlamentit fasadë, prokurorisë fasadë, të gjykatave fasadë, të KQZ-së fasadë, sot kemi edhe një kolegj zgjedhor fasadë, të cilat legjitkojnë në siëprfaqe sundimin autokratik të Edi Ramës.

Me veprimin e tij, Kolegji Zgjedhor sot provoi edhe një herë se vendimi ynë për të mos hyrë në këto zgjedhje farsë ishte vendim i duhur.

Sjellja e kolegjit provoi se edhe dorëzimi i mandateve parlamentare ka qenë,  gjithashtu, një vendim i drejtë i opozitës.

Regjimi autokratiko-kriminal i Edi Ramës ka nevojë për fasadë për të mbuluar thelbin e tij. Me largimin tonë nga institucionet e kapura prej tij ne ia hoqëm këtë fasadë dhe tani të gjithë po shohim fytyrën e vërtetë të regjimit të Edi Ramës.

Sondazh

Article Logic
Execution time: 0.0069549083709717
array(1) { ["section"]=> string(119) "vendimi-pro-zgjedhjeve-reagon-basha-kolegji-zgjedhor-fasade-e-rames-plani-per-destabilizim-ne-30-qershor-e-plote-169599" }