Vetëm në dy vjet njohje, supermashtruesja nga Tirana i zhvat 900 mijë euro (DETAJET)

Publikuar tek: aktualitet, më 11:57 25-02-2018 Vetëm në dy vjet njohje, supermashtruesja nga Tirana i zhvat 900 mijë euro (DETAJET) ilustruese

Një femër nga Tirana është vënë nën arrest, pasi u zbulua se kishte mundur t’i zhavasë një personi me të cilin ishin njohur që në nëntor të 2016-ës një shumë të majme prej 900 mijë eurosh.

Sipas burimeve nga prokuroria, 38-vjeçarja O.D nga Tirana me anë të veprimeve të gënjeshtrës dhe shpërdorimit të besimit ka mundur të marrë këtë shumë parashë ndaj I.H.që nga njohja mes tyre.

NJOFTIMI ZYRTAR

Prokuroria pranë Gjykatës së Shkallës së Parë Durrës në bashkëpunim me Sektorin e Krimit Ekonomik në Drejtorinë e Përgjithshme të Policisë mundësoi zbulimin e një vepre penale të një shtetasje për mashtrim me vlera të mëdha financiare, deri në 900 mijë euro.

Prokuroria pranë Gjykatës së Shkallës së Parë Durrës në 25 shkurt 2018 ka filluar procedimin penal nr. 143/2018, për veprën penale “Mashtrimi”, te parashikuar nga neni 143/3 i K. Penal në ngarkim të shtetases O.D. banuese në Tiranë në dëm të shtetasit paditës I.H.

Nga materialet hetimore paraprake të mbledhura ekzistojnë dyshime të arsyeshme të mbështetura në prova se nga autori i veprës penale O.D. (madhor) është kryer vepra penale e “Mashtrimit” parashikuar nga neni 143/3 i Kodit Penal, i cili me anë të veprimeve të gënjeshtrës dhe shpërdorimit të besimit vazhdon të mos kthejë shumën e parave të marra duke kryer në këtë mënyrë veprën penale ndaj të dëmtuarit I.H.që nga njohja mes tyre në nëntor 2016.

Autori i veprës penale vazhdon të kryejë veprime në mbulimin dhe dredhinë për mashtrim dhe vjedhjes se shumave të mëdha parash edhe tek disa persona të tjerë.

Për këto arsye nga ana e Gjykatës së Rrethit Gjyqësor Durrës, është caktuar masa e sigurimit arrest ne burg për shtetasen O.D. e datëlindjes 26.09.1980, me banim në Tiranë.

Nisur nga dëmi i madhe i shkaktuar të dëmtuarit nga vepra penale, nga ana e Gjykatës është vendosur sekuestroja preventive për pesë pasuri të autorit dhe familjareve të tij me një vlerë mbi treqind mijë Euro.

Hetimet vazhdojnë për identifikimin e shumave të vjedhura dhe të fshehura nga ana e autorit të veprës penale.

Sondazh

Më shumë në këtë kategori: « Borë dhe ngricë, ja pamjet e para nga qyteti i Shkodrës (VIDEO)
Përkeqësohet moti: BORË DHE NGRICA, ja zonat më problematike në vend »
Article Logic
Execution time: 0.012147903442383
array(1) { ["section"]=> string(88) "vetem-ne-dy-vjet-njohje-supermashtruesja-nga-tirana-i-zhvat-900-mije-euro-detajet-111403" }