Vettingu jep efektet e para, dorëhiqet prokurori

Publikuar tek: aktualitet, më 20:47 26-01-2017 Vettingu jep efektet e para, dorëhiqet prokurori

Zyrtarisht nis pas disa javësh, por efektet e Vettingut te gjyqtarët dhe prokurorët kanë nisur që tani. Ambasada e Shteteve të Bashkuara të Amerikes njoftoi revokimin e vizave për disa gjyqtarë dhe prokurorë, që do të thotë anulim i vizave të marra.

Ambasada nuk pranoi të bëjë komente për asnjë emër, por la të kuptohet se revokimi i vizave ka lidhje me vettingun, ndërsa këtë të enjte u regjistrua largimi i parë vullnetar i një prokurori.

Por nuk është vetëm revokimi i vizave amerikane pasoja e vetme e Vettingut. Prokurori i Kavajës, Sulejman Tola ka dhënë dorëheqjen.

Burime të Top Channel konfirmojnë se Prokurori ka dorëzuar një dokument në Inspektoriatin e Pasurise, ku pohon vullnetin për të mos e dorëzuar formularin e vetëdeklarimit të pasurisë. Sipas ligjit, ai duhet ta dorëzojë dorëheqjen në Presidencë, por ky institucion nuk pranoi të bëjë komente për këtë rast.

Kushtetuta në nenin G, që është neni i fundit i saj, u jep një mundësi njerëzve të sistemit të drejtësisë që të japin dorëheqjen nëse ata mendojnë se nuk e kalojnë dot kontrollin e pasurisë dhe figurës, ndërsa ligji i Vettingut u jep të dorëhequrve edhe një shpërblim në para.

Kur kanë mbetur edhe 4 ditë nga afati për dorëzimin e formularëve, Top Channel ka mësuar se nga 800 persona që duhet t'i nënshtrohen Vettingut, deri tani formularët janë dorëzuar nga më pak se gjysma, rreth 350.

Sondazh

Më shumë në këtë kategori: « Skandali i konviktit në Shkodër, fëmijët hanë fasule çdo ditë dhe rrezikojnë jetën me mjetin që përdorin për ngrohje
Vila 1.6 milion euro e Vlahutin, reagon BE »
Article Logic
Execution time: 0.011101961135864
array(1) { ["section"]=> string(53) "vettingu-jep-efektet-e-para-dorehiqet-prokurori-66780" }