Viojnë ndëshkimet ndaj qytetarëve që s’vendosin maska, 644 gjoba përfshirë pasagjerët në makina (9 shoqërohen në komisariat)

Publikuar tek: aktualitet, më 16:43 26-10-2020 Viojnë ndëshkimet ndaj qytetarëve që s’vendosin maska, 644 gjoba përfshirë pasagjerët në makina (9 shoqërohen në komisariat)

Policia e Shtetit vijon të vendosë masa administrative ndaj qytetarëve që nuk vendosin maska, përfshirë këtu dhe pasagjerët që nuk kanë lidhje familjare me drejtuesit e mjeteve.

Gjatë 24 orëve të fundit janë vendosur 523 gjoba 3000 lekëshe ndaj qytetarëve që nuk kishin maska, dhe 121 gjova ndaj pasagjerëve në makina.

Gjithashtu, gjatë kontrolleve janë shoqëruar në ambientet e Policisë në të gjithë vendin, 9 shtetas që nuk kanë pranuar t’i tregojnë punonjësve të Policisë dokumentin e identifikimit apo nuk e kanë pasur atë me vete.

Njoftimi nga Policia e Shtetit

Mosvendosja e maskave mbrojtëse nga qytetarët, ka çuar në ndëshkimin e 644 prej tyre, me masën 3.000 lekë secili, gjatë 24 orëve të fundit.

Strukturat  e Policisë në të gjithë vendin, krahas përmbushjes së detyrave funksionale për parandalimin, evidentimin dhe goditjen e paligjshmërisë, kanë vijuar kontrollet në terren për të monitoruar zbatimin e masës së re për parandalimin e përhapjes së COVID-19, mbajtjen e detyrueshme të maskës mbrojtëse, e cila është detyrim për të gjithë qytetarët, që në momentin që dalin nga shtëpia.  

Gjatë kontrolleve në ambiente të ndryshme në të gjithë vendin, shërbimet e Policisë kanë konstatuar se shumica e qytetarëve i kishin vendosur maskat mbrojtëse edhe gjatë orëve të mbrëmjes. Gjatë kontrolleve janë evidentuar dhe ndëshkuar me masën administrative me vlerë 3.000 lekë, 523 qytetarë që nuk i kishin vendosur maskat mbrojtëse.

Gjithashtu, nga ana e shërbimeve të Policisë Rrugore në të gjithë vendin janë konstatuar dhe ndëshkuar me masë administrative 3.000 lekë, 121 pasagjerë që janë konstatuar pa maska në automjete private (pa lidhje familjare me drejtuesin e mjetit) dhe pasagjerë pa maska mbrojtëse në mjetet e transportit publik.

Gjithashtu, gjatë kontrolleve janë shoqëruar në ambientet e Policisë në të gjithë vendin, 9 shtetas që nuk kanë pranuar t’i tregojnë punonjësve të Policisë dokumentin e identifikimit apo nuk e kanë pasur atë me vete, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë.

Policia e Shtetit falënderon qytetarët që respektojnë këtë masë mbrojtëse dhe apelon që të gjithë të vendosin maskat mbrojtëse, pronarët e lokaleve të respektojë protokollet e sigurisë dhe të mos kundërshtojnë urdhrin e punonjësve të Policisë, pasi Policia e Shtetit është në shërbim të qytetarëve, për të mbrojtur jetën dhe shëndetin e tyre, ndaj dhe është i rëndësishëm zbatimi i kësaj mase mbrojtëse sepse parandalon infektimin me COVID-19.

Sondazh

Më shumë në këtë kategori: « Ndahet nga jeta mjeku popullor mirditor, shqiptari i vetëm që sfidoi sëmundjen e parkinsonit
Tentoi të korruptojë policin në Rinas, pranga 22-vjeçarit nga Elbasani, procedohet penalisht një 35-vjeçare, nuk deklaroi paratë »
Article Logic
Execution time: 0.01153302192688
array(1) { ["section"]=> string(128) "viojne-ndeshkimet-ndaj-qytetareve-qe-s-vendosin-maska-644-gjoba-perfshire-pasagjeret-ne-makina-9-shoqerohen-ne-komisariat-225230" }