Vrasja në Kavajë, ARRESTOHET polici i plagosur dhe vëllai i tij (DETAJE)

Publikuar tek: aktualitet, më 10:28 10-10-2019 Vrasja në Kavajë, ARRESTOHET polici i plagosur dhe vëllai i tij (DETAJE)

Policia e Kavajës ka arrestuar efektin Bledar Toçi dhe vëllain e tij.

Polici 31-vjeçar mbeti i plagosur pas përplasjes me armë me Dritan Hoxhollin, ku ky i fundit mbeti viktimë.

Ndërkohë, policia ka arrestuar edhe vëllain e Toçit, pasi gjatë kontrollit i është gjetur një sasi e dyshuar lendë kokaine e ndarë në 7 doza në banesë.

Kujtojmë se e gjithë ngjarja ndodhi në banesën e Marsida Qatjas. Haxholli ka qëlluar fillimisht drejt policit, ndërsa ky i fundit i është kundërpërgjigjur me armën e shërbimit duke e lënë të vdekur në vend.

Njoftimi i plotë:

Në vijim të veprimeve të kryera nga grupi hetimor në lidhje me zbardhjen dhe dokumentimin e ngjarjes së ndodhur në lagjen nr. 2, në Kavajë, ku pas një konflikti në banesën e shtetases M. Q., mbeti i vrarë me armë zjarri shtetasi D. H. dhe i plagosur shtetasi B. T., nga Specialistët për Hetimin e Krimeve në Komisariatin e Policisë Kavajë u bë arrestimi në flagrancë i shtetasve

B. T., 31 vjeç, banues në lagjen nr. 2, në Kavajë, me detyrë Shef i Sigurisë së Brendshme pranë burgut të Durrësit. Shtetasi B.T., pasi është konfliktuar me shtetasin D. H., ky i fundit për motive xhelozie ka qëlluar me armë duke e plagosur shtetasin B. T. Në kushtet e vetëmbrojtjes shtetasi B. T. ka qëlluar për vdekje me armë zjarri tip pistolete shtetasin D. H.( i dënuar më parë për krime kundër personit dhe për lëndë narkotike). Arrestimi i shtetasit B.T., për veprën penale “Vrasja me dashje”.

B. T., 27 vjeç, lindur e banues në lagjen nr. 2, në Kavajë ( vëllai i shtetasit B.T.), pasi gjatë kontrollit të banesës së shtetasit B. T. në lagjen nr. 2, në Kavajë iu gjetën dhe u sekuestruan me cilesinë e provës materiale një sasi e dyshuar lendë kokaine e ndarë në 7 doza që i përkisnin 27-vjeçarit. Arrestimi i tij për veprën penale “Prodhimi dhe shitja e narkotikëve”.

Materialet procedurale do të dërgohen në Prokurorinë Pranë Gjykatës së Shkallës së Parë Kavajë, për veprime të mëtejshme.

Sondazh

Article Logic
Execution time: 0.12559199333191
array(1) { ["section"]=> string(76) "vrasja-ne-kavaje-arrestohet-polici-i-plagosur-dhe-vellai-i-tij-detaje-181474" }