Zgjedhjet: e mira, e keqja, e shëmtuara!

Publikuar tek: politike, më 09:56 08-05-2019 Zgjedhjet: e mira, e keqja, e shëmtuara! Lutfi Dervishi

Nga Lutfi Dervishi

 

Zgjedhjet e mira janë zgjedhjet ku njerëzit përveç votimit edhe zgjedhin. Zgjedhjet e mira janë zgjedhjet ku votuesit e mirëinformuar vendosin t’i besojnë drejtimin e qytetit, kandidatit që mendojnë se do të sjellë ndryshim, se do të shërbejë, se do ta bëj qytetin më të bukur dhe më të begatë. Zgjedhjet e mira, janë zgjedhjet ku media raporton në mënyrë profesionale, ku gazetarët janë prezent dhe nuk mjaftohen vetëm me: ai tha, ai theksoi, ai nënvizoi, ai përsëriti, ai shtoi, ai… zgjedhjet e mira janë kur raporti është i saktë, i plotë, ka këndvështrimin e njerëzve dhe të palës tjetër. Zgjedhjet e mira janë zgjedhjet ku ka transparencë, ku shpenzimet në sheshe e në ekrane janë të kursyera dhe jo stratosferike. Zgjedhjet mira janë ato zgjedhje ku nuk ka incidente dhe ku humbësi uron fituesin dhe përgatitet për betejën e radhës. Zgjedhjet e mira duken larg.

Zgjedhjet e këqija, janë zgjedhjet ku nuk ka alternativë. Zgjedhje ku ka votim, por jo zgjedhje. Një pjesë e mirë e votuesve shqiptarë e ka përjetuar kohën ku fituesi dilte me 99% të vota dhe pjesëmarrja mbi 90% në votim raportohej pa u hapur qendra e votimit. Zgjedhjet e këqija janë zgjedhjet ku votuesi nuk dëgjon asnjë program, por dëgjon vetëm përralla të tipit ulje taksash, tarifash dhe rritje të investimeve. Zgjedhjet e këqia janë kur ti nuk nuk zgjedh vetë, por të tjerët zgjedhin përr ty, ca më keq, kur ti nuk voton vetë, por të tjerët votojnë për ty. Zgjedhjet e këqija janë zgjedhjet ku nuk ka opozitë. Zgjedhjet e këqija i kemi në prag.

Zgjedhje të shëmtuara është situata që nuk ka zgjedhje fare.

Tani mbetet të zgjedhim mes të mirës, të keqes dhe të shëmturës!

Sondazh

Article Logic
Execution time: 0.042264938354492
array(1) { ["section"]=> string(43) "zgjedhjet-e-mira-e-keqja-e-shemtuara-163420" }