Zjarret në Amazonë, Presidenti Bolsonaro autorizon Ushtrinë të ndërhyjë

Publikuar tek: bota, më 20:42 24-08-2019 Zjarret në Amazonë, Presidenti Bolsonaro autorizon Ushtrinë të ndërhyjë Pamje e fotografuar nga lart e zjarreve ne Amazone

Presidenti i Brazilit, Jair Bolsonaro, ka urdhëruar ushtrinë për të ndihmuar në luftimin e zjarrit të madh që ka përfshirë hapësirat pyjore dhe zonat tropikale të Amazonës.

Një dekret i lëshuar nga presidenti Bolsonaro, autorizon praninë e ushtarëve në hapësirat pyjore dhe në zonat kufitare në tërë rajonin.

Ky njoftim vjen pas një presioni të vazhdueshëm nga liderët evropianë.

Bolsonaro ka kritikuar reagimin e shteteve të tjera, duke theksuar se zjarri nuk mund të përdoret si pretekst për vendosjen e sanksioneve.

Këto deklarata vijnë pasi Franca dhe Irlanda thanë se nuk do të ratifikojnë një marrëveshje tregtare me shtetet e Amerikës jugore derisa Brazili nuk ndërmerr masa për zjarrin në Amazonë.

Zjarri dhe tymi në këto pyje ka shkaktuar ndërprerje të energjisë elektrike në qytetin Sao Paolo ditën e hënë.

Kjo ndërprerje që ka zgjatur për një ditë, ka qenë pasojë e erëra të forta që kanë dërguar tymin e zjarreve të qyteteve Amazonas dhe Rondonia, në të cilat janë djegur më shumë se 2,700 kilometra hapësirë pyjore.

Mbrojtësit e ambientit kanë fajësuar Bolsonaron për këtë situatë, duke thënë se ai ka inkurajuar prerësit e pyjeve dhe bujqit për shpyllëzim të tokës.

Bolsonaro mund të përballet me sanksione ndërkombëtare. Ministri i Financave i Finlandës, ka bërë thirrje ndaj Bashkimit Evropian për të ndaluar importet e mishit të Brazilit.

Amazona që ndryshe njihet si “mushkëritë e botës” ngadalëson ritmin e ngrohjes globale dhe është shtëpi e rreth tre milionë gjallesave dhe bimëve e kafshëve dhë një milion njerëzve indigjenë. /REL

Sondazh

Article Logic
Execution time: 0.0071909427642822
array(1) { ["section"]=> string(77) "zjarret-ne-amazone-presidenti-bolsonaro-autorizon-ushtrine-te-nderhyje-176237" }