Zyrtarë, pronarë e ndërtues, 9 të arrestuarit pas tërmetit dalin sot përpara Gjykatës

Publikuar tek: aktualitet, më 10:23 16-12-2019 Zyrtarë, pronarë e ndërtues, 9 të arrestuarit pas tërmetit dalin sot përpara Gjykatës

Pritet që ditën e sotme të zhvillohet  seanca gjyqësore për caktimin e masës së sigurisë për nëntë personat e arrestuar për shembjen e godinave pas tërmetit të 26 nëntorit.

Ata akuzohen për disa vepra penale  nga ‘vrasje me dashje’ deri te ‘falsifikimi i dokumenteve’.

Midis tyre janë edhe drejtues të institucioneve lokale, zyrtarë, pronarë, ndërtues, specialistë dhe hartues projektesh.

Të arrestuarit dhe vitet burg që rrezikojnë:

1-Arben Isaku, 42 vjeç, me detyrë ish-drejtor i ALUIZNI-it Durrës, i dyshuar si autor i veprës penale "Shpërdorimi i detyrës”. Rrezikon deri në 7 vite burg

2-Klajdi Lame, 32 vjeç, në cilësinë e inspektorit të Inspektoratit Ndërtimor Urbanistik Durrës, në objektin pallat 6- katësh, i cili ndodhet në lagjen Nr. 6, rruga “Shoqëria Bashkimi”, ku humbën jetën dy shtetase, i dyshuar si autor i veprës penale “Shpërdorimi i detyrës”. Rrezikon  deri në 7 vite burg

3-Albrend Qetka, 35 vjeç, në cilësinë e specialistit të verifikimit në terren pranë ALUIZNI-it, Durrës, në objektin pallat 6- katësh, i cili ndodhet në lagjen Nr. 6, rruga “Shoqëria Bashkimi”, ku humbën jetën dy shtetase, i dyshuar si autor i veprës penale “Shpërdorimi i detyrës”. Rrezikon  deri në 7 vite burg

4-Kujtim Hasa, 53 vjeç, në cilësinë e shefit të shërbimeve të shtëpisë së pushimit të Ministrisë së Brendshme, i dyshuar si autor i vepres penale “Vrasja  me dashje”. Rrezikon deri në 25 vite burg

5-Ahmet Doda, 52 vjeç, në cilësinë e drejtorit të shtëpisë së pushimit të Ministrisë së Brendshme, i dyshuar si autor i veprës penale “Shpërdorimi i detyrës”. Rrezikon  deri në 7 vite burg

6-Rruzhdi Xheka, 79 vjeç, në cilësinë e ndërtuesit informal në objektin “Hotel Mira Mare”, ku humbën jetën 2 shtetas, i dyshuar si autor i veprës penale “Vrasja në rrethana të tjera cilësuese”. Rrezikon deri në 35 vjet burg

7-Avdulla Osmani, 61 vjeç, në cilësinë e ndërtuesit informal të legalizuar më vonë në menyrë të paligjshme të objektit “Hotel Tropikal”, ku humbën jetën 2 shtetas kosovarë, i dyshuar si autor i veprës penale “Vrasja në rrethana të tjera  cilësuese”. Rrezikon deri në 35 vjet burg

8-Defrim Celami, 44 vjeç, në cilësinë e specialistit që ka përpiluar aktin e ekspertimit teknik në objektin pallat 6- katësh, i cili ndodhet në lagjen Nr. 6, rruga “Shoqëria Bashkimi”, ku humbën jetën dy shtetase, i dyshuar si autor i veprës penale “Shpërdorimi i detyrës. Rrezikon deri në 7 vjet burg

9- Nevjana Isufi, 45 vjeçe, e cila me studion e saj private hartonte projekte fiktive, e dyshaur si autore e veprave penale “Shpërdorimi i detyrës” dhe “Falsifikimi i dokumenteve”.  Rrezikon deri në 7 vjet burg.

Sondazh

Më shumë në këtë kategori: « ‘Fitoi jeta mbi gjithçka…’ Rrëfimet e mjekëve të urgjencës kombëtare për të mbijetuarit e tërmetit: U futëm thellë rrënojave për t’u dhënë të plagosurve oksigjen (VIDEO)
Plas sherri në Komision/ Malaj- Ahmetajt: Të kam mësuar si të jesh i dobishëm (DEBATI) »
Article Logic
Execution time: 0.012360095977783
array(1) { ["section"]=> string(90) "zyrtare-pronare-e-ndertues-9-te-arrestuarit-pas-termetit-dalin-sot-perpara-gjykates-189528" }