Deputeti socialist Erion Braçe ka bërë një postim të pazakontë mbrëmjen e kësaj të enjte, duke sulmuar analistin Arjan Curi. Ai ka ndarë një fotografi të Curit nga emisioni dhe e shoqëron me një shënim ofendues.
"E njeh kush këtë mbetjen se nuk e gjej nëpër kosha?", shkruan deputeti socialist, ndërsa nuk është e qartë se çfarë e ka shtyrë Erion Braçen të reagojë kaq ashpër ndaj analistit.
Tema e bisedës së sotme në emisionin "Top Story" ka qenë ajo për protestën e qytetarëve në bulevardin kryesor të Tiranës, e cila sot ka qenë në ditën e pestë dhe kishte pjesëmarrje më të lartë se ditët e kaluara.
Në fjalën e tij, analisti Arjan Curi është shprehur se pas protestës qëndrojnë oligarkë të ndryshëm, të cilët kanë pakënaqësi dhe inate me njëri-tjetrin, për interesat të mëdha financiare.
Sondazh
Lexo gjithashtu
