Një aeroplan i vogël u rrëzua mbi çatinë e një shtëpie në veri të Gjermanisë të shtunën, duke shkaktuar vdekjen e një personi, ndërsa një tjetër rezulton i zhdukur.
Për arsye që ende të paqarta, avioni humbi lartësinë dhe u përplas me çatinë e një banese familjare në një lagje rezidenciale në Ganderkesee, në landin e Saksonisë së Poshtme.
Sipas policisë, në bordin e avionit ndodheshin dy persona. Njëri prej tyre humbi jetën, ndërsa ekipet e shpëtimit vijojnë kërkimet për personin tjetër, i cili rezulton i zhdukur.
Në vendngjarje u angazhua edhe një ekip për ndërhyrje në situata krize, i cili ofroi mbështetje psikologjike për dëshmitarët e incidentit dhe banorët e zonës. Për arsye sigurie, autoritetet evakuuan banorët që jetonin brenda një rrezeje prej 100 metrash nga vendi i aksidentit.
Sondazh
Lexo gjithashtu
