Presidenti rus Vladimir Putin ka hedhur poshtë kërkesën e homologut ukrainas Volodymyr Zelensky për një takim të drejtpërdrejtë, duke e kritikuar ashpër sjelljen e tij.
Deklaratat u bënë gjatë Forumit Ekonomik Ndërkombëtar të Shën Petersburgut, ku Putin tha se “mosha nuk është kriteri kryesor, por aftësia për të kryer detyrën”.
Zelensky, një ditë më parë, i kishte dërguar një letër të hapur Putinit, duke e ftuar të takoheshin përgjatë vijës së frontit për t’i dhënë fund luftës. Ai paralajmëroi se Rusia po përballet me humbje të rënda ushtarake dhe me presion ekonomik në rritje, duke shtuar se “lodhja me ju vetëm do të rritet”.
Putin u përgjigj se nuk e ka refuzuar kurrë dialogun, por se çdo takim duhet të bazohet në kushte të caktuara. Ai përmendi marrëveshje të mëparshme me SHBA-në, duke nënvizuar se Ukraina duhet të tërhiqet nga rajonet që Moska i konsideron pjesë të saj.
“Vetëm Kievi është i interesuar për bisedime, sepse dëshiron të ndalojë ofensivën tonë”, tha ai, duke i nxitur trupat e tij të vazhdojnë luftën.
Në reagimin e tij, Zelensky u shpreh se Rusia ka zgjedhur përsëri rrugën e luftës.
“Kjo përgjigje e dobët tregon se Kremlini nuk ka vullnet për paqe. Prandaj, presioni ndaj Rusisë duhet të rritet”, tha ai.
Ukraina ka intensifikuar sulmet ndaj rafinerive të naftës në territorin rus, me synimin për të dëmtuar financat e luftës së Moskës.
Sondazh
Lexo gjithashtu
