Presidenti SHBA-së Donald Trump deklaroi ditën e sotme se nëse negociatat me Iranin dështojnë, SHBA do të ndërmarrë veprime ushtarake dhe do të kontrollojë Ngushticën e Hormuzit.
Kryetari i Parlamentit iranian, Mohammad Bayer Ghalibaf, reagoi duke thënë se Irani nuk frikësohet nga kërcënimet amerikane dhe se forcat e armatosura janë të përgatitura për çdo rast.
Negociatat në Zvicër janë në gjendje pasigurie. Palët po flasin përmes ndërmjetësve dhe po diskutojnë për lirimin e aseteve, heqjen e sanksioneve në energji dhe situatën në Liban.
Sipas mediave bisedimet janë të bllokuara, por nuk kanë përfunduar. Bloomberg tha se Irani i kishte pezulluar bisedimet, por më vonë sqaroi se delegacioni iranian ende merr pjesë.
Ghalibaf shkroi në platformën X se kërcënimet e SHBA nuk kanë dhënë rezultat dhe se Uashingtoni është në një pozitë të dobët. Ai paralajmëroi se Irani ka mundësi reagimi që nuk duhen nënvlerësuar dhe se forcat e armatosura janë gati të veprojnë.
"A nuk mendojnë ata se nëse kërcënimet e tyre do të kishin pasur ndonjë efekt, nuk do të kishin arritur në pikën e dëshpërimit në të cilën ndodhen sot? Ne nuk mbështetemi në kërcënimet amerikane. Ata duhet të jenë të kujdesshëm me komentet e tyre. Forcat tona të armatosura janë të gatshme të përgjigjen në një mënyrë të ndryshme. Pavarësisht se çfarë thonë, ne jemi ata që do të veprojmë"- shkruan ai.
Sondazh
Lexo gjithashtu
