Presidenti amerikan Donald Trump ka përmendur sërish kryeministren italiane Giorgia Meloni, duke thënë për NBC se ajo ishte një mbështetëse e tij, por nuk e ndihmoi kur u diskutua çështja e Ngushticës së Hormuzit. Ai kujtoi gjithashtu një episod në samitin e G7, ku sipas tij Meloni i kishte kërkuar të bënte një foto me të.
"Meloni ishte një mbështetëse fanatike e imja, por nuk e dua si tifoze sepse ajo nuk më qëndroi pranë - as ajo dhe as NATO - kur u ngrit çështja e Ngushticës së Hormuzit", tha presidenti amerikan.
Meloni reagoi menjëherë me një video në X, duke e cilësuar deklaratën e Trump si “trillim të pastër” dhe duke shprehur habinë e saj. Ajo akuzoi presidentin amerikan se po tregohet më i respektueshëm ndaj armiqve të Perëndimit sesa ndaj aleatëve tradicionalë.
“Disa gjëra meritojnë një përgjigje të menjëhershme. Deklaratat e Donald Trump janë krejtësisht të sajuara, jam sinqerisht e habitur. Nuk e kuptoj pse presidenti i Shteteve të Bashkuara sillet kështu me aleatët e tij. Për më tepër, nuk është hera e parë që ndodh. Mund të them vetëm se është për të ardhur keq që ai nuk ka të njëjtën vendosmëri ndaj armiqve të Perëndimit, ndaj armiqve të Shteteve të Bashkuara, me udhëheqësit e të cilëve tregohet shumë më i butë. Por një gjë duhet ta mbajë mend: Unë dhe Italia nuk i lutemi askujt.”, tha Meloni.
Sondazh
Lexo gjithashtu
