Në GJKKO këtë të hënë po mbahet seanca e radhës e dosjes “Partizani” ku i akuzar është ish-kryeministri Sali Berisha dhe dhëndri i tij Jamarbër Malltezi.
Në këtë seancë po jep dëshminë Ylli Pango, i cili në kohën kur është privatizuar ish-kompleksi Partizani, mbante pozicionin e Ministrit të Sportve.
Pango i pyetur nga prokurorja, tha se nuk e mban mend detaje pasi në atë kohë nuk kishte ngjarje në terrenet sportive dhe se prioritet ishte turizmi. Sipas tij, me sportet merreshin federatat që ishin të pavarura.
Dëshmia në GJKKO e Pangos:
Prokurorja: Kur keni qenë ministër?
Pango: Mars 2007-mars 2009.
Prokurorja: Klubi shumë sportësh ka kaluar në 2003 te MKRS. A ishte e regjistruar apo e keni kryer ju?
Pango: Kjo histori daton 18 vjet me pare, unë jam autor ‘libri për kujtesën’, është e vështirë të mbash mend dokumente nëse s’ka ndonjë shkak të madh për ta mbajtur mend. Falënderoj median, qe bazuar në dokumente më kanë rifreskuar kujtesën. Dëshmia ime ka mbingarkesa nga informacionet e mediave, unë nuk flas me rezerva, por s’mbaj mend saktësisht çdo gjë.
Ylli Pango: Klubi ishte i pushtuar nga privatët. Shkresën e kam parë vonë.
Prokurorja: Pra, nuk e morët në administrim?
Ylli Pango: Nuk u mor si pronë, pasi ishte e zaptuar.
Prokurorja: Ka qenë apo jo i regjistruar në pronësi të Ministrisë?
Ylli Pango: Nuk e mbaj mend, nuk kam asnjë dokument. Ka pasur shumë dokumente që lexoja. Nuk më ka shqetësuar asgjë lidhur me sportet në atë kohë, nuk kishte ngjarje që lidhen me terrenet sportive.
Ylli Pango: Ne kishim emergjencë turizmin. Nuk kemi pasur probleme me sportet. Kompetencë kishim turizmin, ndërsa me sportet merreshin federatat. Sportet ishin të pavarura.
Sondazh
Lexo gjithashtu
