Detaje tronditëse dalin në dritë nga ngjarja e shënuar ditën e sotme në Roskovec, ku Altin Kuka vrau me armë zjarri Gramos dhe Lavdimir Kurtaj, xhaxha dhe nip.
Pas ngjarjes së rëndë Kuka ka lënë armën në vendin e ngjarjes dhe ka shkuar tek bashkëshortja, e cila ka qenë duke shitur fruta-perime.
Ai i ka treguar se kishte vrarë dy fqinjët dhe se do shkonte të dorëzohej në polici.
“Unë i vrava të dy, po shkoj të dorëzohem në polici”, mësohet se i ka thënë bashkëhsortes pas ngjarjes tronditëse.
Xhaxha e nip u ekzekutuan me armë zjarri pak pas mesditës së sotme, 10 shtator 2024, në fshatin Kurjan të Roskovecit.
Gramoz Kurtaj dhe Ladimir Kurtaj, mësohet se kanë debatuar me 49-vjeçarin, Altin Kuka e “molllë e sherrit” mes tyre mësohet të jetë bërë djali i autorit i cili është përplasur më herët me viktimat.
Pas debatit ka qenë Kukaj i cili ka ardhur në ndihmë të së birit dhe debati mes tij dhe dy anëtarëve të fisit Kurtaj ka degraduar deri në përdorimin e armës së zjarrit.
49-vjeçari ka marrë automatikun dhe ka qëlluar me breshëri plumbash në drejtim të xhaxhait dhe nipit, Gramoz dhe Ladimir Kurtajt të cilët si pasojë e plagëve të marrë humbën jetën në spital.
Menjëherë pas krimit Kuka u vetëdorëzuza në Polici. Teksa forcat e policisë dhe FNSH “zbarkuan” në fshatin Kurtaj, 49-vjeçari raportohet se ka shkuar vetë në Komisariatin e Policisë, së bashku me armën ku dhe ka pranuar krimin e dyfishtë.
Sondazh
Lexo gjithashtu
