Publikimi i një sasie të madhe dokumentesh nga Departamenti Amerikan i Drejtësisë ka rikthyer në qendër të vëmendjes mënyrën se si Jeffrey Epstein ka përdorur industrinë e modës për të ndërtuar rrjete rekrutimi të vajzave të reja.
Sipas këtyre dokumenteve, disa agjentë dhe rekrutues i kanë propozuar Epsteinit vajza nga vende të ndryshme të botës, duke i përshkruar si “modele premtuese” dhe “të gatshme për udhëtime”, ndërsa komunikimet ngrejnë dyshime për trajtimin e tyre.
Hetimi tregon se marrëdhënia mes Epsteinit dhe disa personave të industrisë së modës ishte e ndërsjellë. Ai ofronte financime, kontakte dhe ndihmë për viza, ndërsa nga ana tjetër i sigurohej akses te modele të reja, shumë prej të cilave më vonë kanë deklaruar se janë abuzuar.
Edhe pas dënimit të tij në vitin 2008, disa individë të industrisë së modës kanë vijuar kontaktet me Epstein, duke e përfshirë në evente dhe duke e trajtuar si figurë me ndikim, pavarësisht statusit penal. Dokumentet sugjerojnë se ai ka përdorur rrjetin e modës për të ndërtuar një sistem të gjerë ndërkombëtar kontaktesh, ku shpesh i dërgoheshin fotografi dhe të dhëna për vajza shumë të reja.
Aktivistë dhe ish modele kanë ngritur shqetësime se industria e modës është shfrytëzuar në disa raste si mbulesë për trafikim dhe abuzim, duke kërkuar hetime më të thelluara mbi përgjegjësinë e agjencive dhe personava të përfshirë.
Sondazh
Lexo gjithashtu
