Tensionet mes Shteteve të Bashkuara dhe Iranit kanë shpërthyer sërish, pasi ushtria amerikane ka nisur sulme ajrore dhe raketore ndaj disa zonave strategjike në jug të Iranit.
Komanda Qendrore e SHBA-së deklaroi se operacionet janë përgjigje ndaj agresionit të Iranit kundër anijeve tregtare dhe ekuipazheve civile në Ngushticën e Hormuzit, një nga rrugët ujore më të rëndësishme për tregtinë globale të naftës.
Presidenti Donald Trump paralajmëroi më herët se SHBA do ta “godiste fort” Iranin, duke e cilësuar vendin si kërcënim për sigurinë ndërkombëtare.
Pas këtij paralajmërimi, ministri i jashtëm iranian reagoi duke thënë se Teherani nuk i përgjigjet “vulgaritetit me vulgaritet”, por me veprime “pa frikë dhe me trimëri”.
Mediat iraniane raportojnë për shpërthime në qytetet Konarak dhe Chabahar, ku disa zona kanë mbetur pa energji elektrike.
Komanda Qendrore e SHBA-së ka theksuar se sulmet do të vazhdojnë për të dobësuar aftësinë e Iranit për të kërcënuar lirinë e lundrimit në Ngushticën e Hormuzit.
“Shtetet e Bashkuara po e mbajnë Iranin përgjegjës për agresionin e pajustifikuar kundër anijeve tregtare dhe ekuipazheve civile që lundrojnë lirshëm në një rrugë ujore ndërkombëtare jetësore,” thuhet në deklaratë.
Pas këtij zhvillimi pritet të rrisë tensionet në rajon dhe të ndikojë në tregjet globale të energjisë. Ngushtica e Hormuzit është një arterie kyçe për furnizimin me naftë, dhe çdo konflikt aty ka pasoja të menjëhershme për ekonominë botërore.
Sondazh
Lexo gjithashtu
