Një sulm me raketa ruse ndaj një anijeje që transportonte misër pranë portit jugor të Odesës, në Ukrainë, ka lënë të vdekur 10 persona.
Sipas autoriteteve ukrainase, Rusia goditi Golden Leo, një anije me flamurin e Guinea-Bissau, e cila drejtohej nga një ekuipazh i përbërë nga marinarë nga India dhe Siria. Anija u godit me tre raketa lundrimi, duke shkaktuar një zjarr të madh.
Ndërkohë, një tjetër sulm rus në Odesa, portin më të madh detar të Ukrainës, vrau tre persona dhe plagosi tre të tjerë të hënën, tha Serhiy Lysak, kreu i administratës ushtarake të qytetit. Sipas tij, objektivat e sulmit ishin objektet e infrastrukturës, pa dhënë detaje të tjera.
Autoriteti portual i Ukrainës njoftoi se operacioni i kërkim-shpëtimit zgjati gjatë gjithë natës. Si pasojë e sulmit ndaj anijes, humbën jetën nëntë anëtarë të ekuipazhit dhe një pilot detar, ndërsa tetë nga 17 anëtarët e ekuipazhit u shpëtuan.
Sondazh
Lexo gjithashtu
