Gjykata e Lartë në Spanjë ka dhënë një vendim të bujshëm që ka tronditur politikën e vendit. Ish-ministri i Transportit, Jose Luis Abalos, u dënua me 24 vite burg për korrupsion, ryshfet dhe përvetësim fondesh publike.
Hetimet zbuluan se ai kishte manipuluar kontratat shtetërore për blerjen e maskave gjatë pandemisë. Bashkëpunëtori i tij i ngushtë, Koldo Garcia, mori 19 vite heqje lirie, ndërsa një biznesmen i përfshirë në aferë shpëtoi nga burgu duke marrë vetëm katër vite e gjysmë dënim me kusht, pasi pranoi të bashkëpunonte me drejtësinë.
Ky vendim ka hapur një krizë të re politike për qeverinë e kryeministrit Pedro Sanchez. Ai kishte ardhur në pushtet me premtimin për të luftuar korrupsionin, por tani po përballet me kritika të ashpra nga opozita dhe nga brenda vendit.
Edhe pse emri i tij nuk përmendet në dosje, Sanchez ka deklaruar se kjo është një fushatë politike e orkestruar për ta rrëzuar nga pushteti. Të ardhmet e kabinetit të tij mbeten të pasigurta, ndërsa skandalet e korrupsionit po e lëkundin fort qeverinë spanjolle.
Sondazh
Lexo gjithashtu
