Zemra e të madhit Ismail Kadare ndaloi së rrahuri mëngjesin e kësaj të hëne korriku. Kolosi i letrave shqipe dhe një ndër pasuritë e vendit tonë pësoi arrest kardiak.
Kanë qenë familjarët ata të cilët e gjetën të pajetë në banesën e tij në Tiranë gjatë orëve të para të mëngjesit të sotëm. Pavarësisht se lajmëruan urgjencën, fatkeqësisht u konstatua se shkrimtari kishte ndërruar jetë.
Teksa sot ikja e tij ka lënë një dhimbje të madhe mbrapa, një javë më parë Kadare shijonte kafen në lokalin e tij të preferuar në kryeqytet.
Duke sfiduar kështu temperaturat përvëluese të Tiranës, më 24 qershor 2024, Kadare ishte ulur dhe po konsumonte kafen e tij, të cilën e kishte "ilaç" dhe nuk e ndau asnjë ditë nga rutina e tij.
Ka qenë botuesi i veprave të Kadaresë, Bujar Hudhri, ai i cili ndau këtë foto ditë më parë në llogarinë e tij në “Facebook”.
“Duke sfiduar vapën e padurueshme të Tiranës. Bar Juvenilja, e hënë, 24 qershor 2024”, shkruante Hdhri krah fotos të Kadaresë.
Sondazh
Lexo gjithashtu
