Kryeministri izraelit Benjamin Netanyahu deklaroi se ka urdhëruar sulme ndaj dhjetëra objektivave të Hezbollahut, pasi katër ushtarë izraelitë u vranë dhe të tjerë u plagosën në sulmet e grupit gjatë natës.
Ai theksoi se Izraeli do të vazhdojë të qëndrojë në zonën e sigurisë në jug të Libanit “për aq kohë sa të jetë e nevojshme”.
“Pas sulmit kriminal të Hezbollahut, i cili përbën një shkelje të hapur të armëpushimit, mbrëmë i dhashë udhëzime IDF-së që ta godasë Hezbollahun me forcë”, thotë ai në një deklaratë.
Sipas tij, IDF-ja goditi më shumë se 80 objektiva të Hezbollahut dhe vrau dhjetëra luftëtarë gjatë natës. Ai shtoi se këtë mëngjes u kryen edhe sulme të tjera ndaj qendrave të komandës së Hezbollahut në Luginën Bekaa.
“Izraeli nuk do të tolerojë sulme ndaj ushtarëve tanë ose në territorin tonë, dhe do t’i kërkojë një çmim shumë të lartë Hezbollahut për sulme të tilla”, shton ai.
Duke përsëritur një premtim që bëri dje, Netanyahu thotë se “Izraeli do të mbetet në zonën e sigurisë në Libanin jugor për aq kohë sa të jetë e nevojshme për të mbrojtur komunitetet e veriut”.
Sondazh
Lexo gjithashtu
