Ministri izraelit i Sigurisë Kombëtare, Itamar Ben Gvir, bëri një deklaratë të ashpër sot, duke thënë se “i gjithë Libani duhet të digjet”, pasi ushtria izraelite njoftoi vdekjen e katër ushtarëve në territorin libanez.
“Me gjithë respektin e duhur për amerikanët, Izraeli duhet t’ia bëjë të qartë të gjithë botës se gjaku i bijve tanë dhe siguria e qytetarëve tanë nuk janë objekt pazarllëku. I gjithë Libani duhet të digjet”, tha Ben Gvir në një deklaratë.
Ndërkohë, ushtria izraelite njoftoi se po vijon sulmet ndaj objektivave të Hezbollahut në disa zona të Libanit jugor, pavarësisht marrëveshjes së armëpushimit që synon uljen e tensioneve në rajon.
“Gjatë natës, ushtria goditi dhe vazhdon të godasë terroristët dhe infrastrukturën e Hezbollahut në disa zona në Libanin jugor”, tha ushtria në një deklaratë.
Sondazh
Lexo gjithashtu
