Donald Trump deklaroi sot se kryeministrja italiane Giorgia Meloni i kishte kërkuar me ngulm të realizonin një fotografi së bashku gjatë samitit të G7, të mbajtur këtë javë.
Gjatë një interviste në Aria che Tira të televizionit La7, Trump e kaloi bisedën drejt Melonit, duke pyetur fillimisht: “Si është kryeministrja juaj?”.
Më pas ai shtoi: “Çfarë tha ajo kur më takoi? Ndoshta është e lumtur që fola me të. Nuk më është dashur të flas me të. Nuk di çfarë të them. Ajo më luti të bëja një foto me të. Ajo donte shumë një foto me mua. Nuk do ta kisha pranuar, por më erdhi keq për të.”
Meloni është konsideruar prej kohësh si një nga aleatet më të ngushta evropiane të Trumpit. Ajo ishte gjithashtu e vetmja lidere evropiane e ftuar në inaugurimin e tij vitin e kaluar, përpara se marrëdhëniet mes palëve të ftoheshin lidhur me konfliktin me Iranin.
Sipas mediave të huaja, qeveria italiane refuzoi t’i japë leje Shteteve të Bashkuara për përdorimin e një baze ajrore në Siçili për operacione ushtarake gjatë konfliktit. Trump e kritikoi këtë qëndrim, duke deklaruar se Italia nuk kishte qenë një partnere e dobishme dhe se Meloni kishte ndryshuar qëndrim.
Sondazh
Lexo gjithashtu
