Irani ka njoftuar sot se do të mbyllë Ngushticën e Hormuzit "deri në njoftim të mëtejshëm", pas një incidenti në të cilin autoritetet iraniane thanë se goditën dhe ndaluan një anije që, sipas tyre, po lundronte në një rrugë të paautorizuar.
Mbyllja e rrugës ujore përbën përshkallëzimin më të fundit të tensioneve mes Iranit dhe SHBA-së, të cilat kanë qenë një nga pengesat kryesore për arritjen e një marrëveshjeje përfundimtare mes dy vendeve.
Teherani këmbëngul se ka të drejtën të rregullojë trafikun detar nëpër Ngushticën e Hormuzit, ndërsa Uashingtoni kërkon lundrim të pakufizuar përmes një rruge që transporton afërsisht një të pestën e tregtisë globale të naftës dhe gazit natyror të lëngshëm.
Garda Revolucionare e Iranit deklaroi se goditi dhe ndaloi një anije, e cila kishte injoruar në mënyrë të përsëritur udhëzimet për të përdorur një korridor të miratuar lundrimi.
"Pas këtij incidenti, Ngushtica e Hormuzit do të mbyllet deri në njoftim të mëtejshëm dhe deri në përfundimin e ndërhyrjeve amerikane në këtë rajon. Asnjë anije nuk do të lejohet të kalojë", thuhet në deklaratën e Gardës Revolucionare.
Ndërkohë, Irani e cilësoi incidentin si "të shtëna paralajmëruese", ushtria amerikane deklaroi se Teherani "sulmoi në mënyrë të hapur" një anije kontejnerësh me flamur të Qipros, e cila po kalonte përmes Ngushticës së Hormuzit.
Sondazh
Lexo gjithashtu
