Gjykatësi federal i Qarkut Amerikan Emmet Sullivan, ka urdhëruar Departamentin e Drejtësisë që ose të publikojë dosje shtesë të paredaktuara në lidhje me abuzuesin e ndjerë seksual Jeffrey Epstein, ose të shpjegojë pse informacioni duhet të mbetet i fshehur.
Afati që ai i ka vendosur qeverisë është deri më 2 korrik, dhe kjo gjë rrjedh nga një padi që akuzon Prokurorin e Përgjithshëm në detyrë Todd Blanche për redaktim të papërshtatshëm të dokumenteve sipas CBS News.
Të dhënat në fjalë përfshijnë tetë email-e me dërgues dhe marrës të redaktuar, një draft aktakuzë ndaj Epstein-it me emrat e bashkëpunëtorëve të mundshëm të fshehur dhe një email të vitit 2019 që përmendte disa bashkëpunëtorë, identitetet e të cilëve ishin të fshehura.
Ky vendim vjen pas muajsh të tërë polemikash rreth trajtimit nga departamenti i të dhënave lidhur me Epstein, ku që prej dhjetorit të vitit të kaluar janë publikuar miliona faqe përfshirë këtu, foto, email-e dhe dokumente.
Sondazh
Lexo gjithashtu
