Florin Rusu, një 35 vjeçar me origjinë shqiptare dhe me banim në Angli, është dënuar me tre vite burg nga Gjykata e Huntingdon, pasi është shpallur fajtor për një sasi kokaine dhe posedimin e disa telefonave celular që nuk ka pranuar t'i zhbllokonte.
Ngjarja ka ndodhur në korrik 2023 kur Florini u ndalua nga oficerët të cilët besonin se automjeti që ai po drejtonte kishte lidhje me trafikun e drogës, përgjatë Coldhams Lane, në Kembrixh.
Oficerët zbuluan tre telefona dhe shumë karta SIM në makinë, të cilat Rusu refuzoi t’i zhbllokonte. Ai u shoqërua në stacion dhe oficerët që e kontrolluan shqiptarin, gjetën 20 qese kokaine të fshehura në të mbathurat e tij.
Florin Rusu, nga Milan Road, Leeds, u deklarua fajtor për posedim me qëllim furnizimin me drogë të klasit A - kokainë. Ai u dënua me tre vjet burg në Gjykatat e Huntingdon të enjten (18 qershor) për këtë dhe një akuzë tjetër për mosdorëzim të lirimit me kusht.
Policja Jodie Skells, e cila hetoi, tha: “Kjo ishte një punë fantastike nga oficerët tanë, të cilët ndaluan shpejt automjetin pasi u sinjalizua në sistem si i lidhur me trafikun e drogës. Pas gjetjes së telefonave dhe kartave SIM dhe me Rusun që po vepronte me dinakëri, oficerët e dinin se duhej të kërkonin më tej, dhe kishin të drejtë që e bënë këtë."
Sondazh
Lexo gjithashtu
