Një bombardues B-52 u rrëzua menjëherë pas ngritjes nga një bazë e Forcave Ajrore të Shteteve të Bashkuara në shkretëtirën Mojave, në Kaliforninë Jugore, dhe shpërtheu në flakë ditën e djeshme.
Si pasojë e aksidentit, humbën jetën tetë personat që ndodheshin në bord. Pamjet ajrore treguan se pothuajse asgjë nuk kishte mbetur nga avioni, i cili u rrëzua rreth orës 11:20 të paradites gjatë një misioni rutinë testimi në Bazën Ajrore Edëards, në veri të Los Anxhelosit.
Re të dendura tymi të zi ngriheshin mbi një zonë të gjerë të djegur pranë pistës, ndërsa në vendngjarje ndodheshin automjete të shumta emergjence.
Në bord ndodheshin kontraktorë qeveritarë dhe personel ushtarak. Kompania Boeing konfirmoi të hënën në mbrëmje se dy prej punonjësve të saj ishin pjesë e ekuipazhit.
Pas shqyrtimit të pamjeve nga vendi i rrëzimit, u konstatua se nuk kishte asnjë të mbijetuar, deklaroi gjatë një konference për shtyp kolonel James Hayes, zëvendëskomandant i Krahut të 412-të të Testimit në Edëards.
"Ne humbëm tetë amerikanë të shkëlqyer", tha Hayes, duke shtuar se zyrtarët po punonin për të njoftuar familjet e tyre.
Sondazh
Lexo gjithashtu
