Një ngjarje e rëndë ka ndodhur në Milano Marittima, në bregdetin e Ravenës në Itali, ku një vajzë 4-vjeçare nga Austria humbi jetën pasi u mbyt në pishinën e një hoteli.
Sipas raportimeve të mediave, babai i kishte kërkuar vajzës të qëndronte në zonën mes këndit të lojërave dhe pishinës, ndërsa ai ishte ngjitur në dhomë për të marrë diçka.
Pamjet e kamerave të sigurisë së hotelit kanë ndihmuar hetuesit të rindërtojnë dinamikën e ngjarjes. Sipas informacioneve të publikuara, në video shihet vogëlushja duke ecur e vetme drejt pishinës, ndërsa më pas ajo zhduket nga pamja në një pjesë më të errët të ambientit.
Mësohet se 4-vjeçarja ka qëndruar në ujë për rreth 7-8 minuta përpara se të vërehej nga personat që ndodheshin pranë pishinës.
Familja austriake ndodhej në rivierën italiane për pushime dhe kishte planifikuar të kthehej në Austri ditën e sotme. Vogëlushja ishte me pushime së bashku me prindërit dhe dy motrat e saj më të mëdha.
Prokuroria ka nisur një procedim ndaj babait të vajzës, ndërsa po shqyrtohet edhe hipoteza e veprës penale të vrasjes nga pakujdesia.
Sondazh
Lexo gjithashtu
