Një ngjarje e rëndë është regjistruar mëngjesin e kësaj të hëne në Spaç të Mirditës, ku shtetasi 45 vjeçar Valter Lleshi është varë më armë zjarri brenda automjetit të tij me të cilin po udhëtonte.
Ndërkohë detaje të reja janë bërë më dije rreth ngjarjes, ku mësohet se trupi i pajetë i viktimës është gjetur rreth orës 07:10 në fshatin Shkorrët, përgjatë rrugës Reps–Spaç.
Sipas të dhënave paraprake, ai është gjetur pa shenja jete në një automjet tip Toyota. Mëshet se Lleshi është punonjës i kompanisë së bazaltit në Spaç, teksa po kësaj kompanie në mars të këtij viti iu vendos një sasi tritoli në një prej makinerive, e cila nuk arriti të shpërthente. Viktima dyshohet se është autori i vrasjes së Anton Kelit, në vitin 2020 i cili punonte si taksist në Rrëshen, sipas Top Channel.
Policia ndodhet në vendngjarje ku po punon për zbardhjen e plotë të rrethanave të ngjarjes së rëndë.
Njoftimi i policisë:
"Mirditë/Informacion paraprak
Rreth orës 07:10, në fshatin Shkorret, Mirditë, në aksin rrugor Reps–Spaç, është gjetur në automjet, dyshohet i vrarë me armë zjarri, shtetasi V. Ll., rreth 45 vjeç.
Menjëherë pas marrjes së njoftimit, shërbimet e Policisë kanë shkuar në vendngjarje dhe vijojnë kontrollet intensive në zonë për lokalizimin dhe kapjen e autorit/ve.
Ndërkohë, është ngritur një grup i posaçëm hetimor dhe, nën drejtimin e Prokurorisë, po punon intensivisht për fiksimin dhe administrimin e çdo prove që do t'i shërbejë hetimit, me qëllim zbardhjen e plotë të ngjarjes, dokumentimin ligjor të saj, si dhe identifikimin dhe kapjen e autorit/autorëve".
Sondazh
Lexo gjithashtu
