Deputeti i Partisë Socialiste, Erion Braçe ka marrë vëmendjen e eurodeputetes gjermane, Jutta Paulus. Kjo e fundit ka qenë pjesë e protestave në Tiranë së fundmi, ku nuk ka ngurruar edhe të flasë në podiumin e ngritur.
Mirëpo, eurodeputetja në fjalë i është “hakërryer” socialistit, pasi ka publikuar në rrjetin social “Instagram” biseda të deputetit në fjalë me qytetarët. Në bisedën e publikuar nga vetë Paulus, shihet qartë se si Braçe kërcënon haptazi qytetaren, identiteti i së cilës mbetet anonim.
Kjo bisedë mes politikanit të njohur dhe me reputacion në vendin tonë dhe një qytetareje ka bërë “bujë” përtej kufijve. Në postimin e eurodeputetes, shihet të jetë vendosur edhe “lokacioni Tiranë”, duke qartësuar situatën politike të vendit tonë.
PJESË BISEDA MES ERION BRAÇES DHE QYTETARES:
Erion Braçe: Vlerësim për atë që je! Rri pa merak, do bëhesh presonazh.
Qytetarja: Kërcënim i drejtpërdrejt, mos u lodh kot tani sa je vonë. E keni ju të partisë këtë merak se ne jemi rehat në BE.
Erion Braçe: Po patjetër, kërcënim. Do dalësh yll.
Qytetarja: Guxim i madh që e pranon vetë. Do futeni në BE kështu me kërcënime, po ja dërgoj sms eurodeputetëve, besoj je dakord?
Erion Braçe: Dëgjo ti rrugëtore, ke sharë e fyer nga mëngjesi. Të ftova disa herë të ndalesh, e vijove edhe më keq!
Sondazh
Lexo gjithashtu
