Numri i personave që kanë humbur jetën nga tërmetet e njëpasnjëshme që goditën Venezuelën më 24 qershor ka kaluar mbi 3,500. Sipas bilancit të fundit të publikuar nga autoritetet më 6 korrik, të paktën 3,535 persona kanë humbur jetën, ndërsa 16,740 janë plagosur.
Dy tërmetet e fuqishme, me magnitudë 7.2 dhe 7.5, kanë lënë vendin në kaos, duke shkatërruar lagje të tëra dhe duke detyruar banorët të braktisin shtëpitë e tyre.
Ndërkohë mijëra persona vazhdojnë të raportohen si të zhdukur, duke ngjallur frikën se numri i viktimave do të rritet. Zona më e goditur është La Guaira, ku lagje të tëra janë rrafshuar.
Ndërsa viktimat e paidentifikuara po varrosen në varreza kolektive në La Esperanza. Mbi 17,000 banorë jetojnë në kushte të vështira,
Forca të shumta nga vende të ndryshme të botës i janë bashkuar ekipeve të kërkim-shpëtimit, duke ndihmuar në nxjerrjen e të mbijetuarve nga rrënojat. OKB ka paralajmëruar se deri në 50,000 persona mund të jenë ende nën rrënoja, ndërsa ndihma humanitare po vazhdon të dërgohet në zonat e prekura.
Mijëra të plagosur kërkojnë trajtim urgjent ndërkohë që spitalet janë të mbingarkuara.
Autoritetet paralajmërojnë për shpërthim të mundshëm sëmundjesh për shkak të kushteve ë të cilat ndodhet vendi.
Sondazh
Lexo gjithashtu
