Një krimi i rëndë ka tronditur Australinë ditët e fundit, ku viktimë ka mbetur një djal 4-vjeçar, ndërsa nëna e tij dyshohet si autoren e krimit. Fëmija kishte qenë në radarin e autoriteteve tre herë në të kaluarën për shkak të shqetësimeve në lidhje me gjendjen mendore të nënës së tij dhe psikozën e mundshme që lidhet me përdorimin e substancave.
Gruaja 32-vjeçare, të dhënat e së cilës nuk u bënë publike nga agjencitë ndërkombëtare për arsye ligjore, u paraqit në një stacion policie në Ëyong, në Bregun Qendror të Uellsit të Ri Jugor, të shtunën dhe dyshohet se u tha oficerëve se kishte konsumuar pjesë të djalit të saj katërvjeçar.
Oficerët e policisë shkuan në apartamentin e banesave sociale ku po qëndronin dhe e gjetën fëmijën të vdekur me lëndime të rënda në duar. Sipas vlerësimeve fillestare, djali kishte qenë i vdekur për disa ditë para se të njoftoheshin autoritetet.
Nëna dhe djali ishin zhvendosur në atë zonë pesë muaj më parë, thuhet se për t'i shpëtuar dhunës në familje.
Megjithatë, shërbimet sociale të Uellsit të Ri Jugor kishin qenë në kontakt me familjen për të paktën një vit para tragjedisë.
Ndërhyrja më e fundit erdhi në janar, kur punonjësit socialë vlerësuan nëse fëmija ishte në rrezik serioz neglizhence për shkak të dyshimeve për abuzim me substanca nga nëna e tij.
Megjithatë, sipas asaj që doli në pah, nuk kishte prova të mjaftueshme për abuzim të dyshuar me drogë ose alkool dhe fëmija mbeti në kujdestarinë e saj deri në vdekjen e tij.
Sondazh
Lexo gjithashtu
