Një baba i ri është cilësuar hero pasi ndërhyri me guxim për të ndaluar një sulm brutal me thikë ndaj një burri në Belfast, duke kontribuar në shpëtimin e jetës së viktimës.
Ngjarja ndodhi të hënën në mbrëmje, kur 32-vjeçari Matt McKiernan dhe miku i tij Andre, i cili është i trajnuar në artet marciale jiu-jitsu, u përballën rastësisht me sulmin ndërsa po udhëtonin drejt një stacioni karburanti.
Në një intervistë për Daily Mail, McKiernan tregoi se fillimisht vuri re një automjet që po lëvizte me shpejtësi mbrapa në rrugë, sikur po përpiqej të largohej nga diçka e rrezikshme. Kur iu afruan vendit të ngjarjes, ai dhe shoku i tij panë dy burra duke u përleshur.
Andre doli menjëherë nga makina dhe kuptoi se njëri prej tyre ishte i armatosur me thikë. Në ato momente kritike, McKiernan mori një shkop druri nga bagazhi i automjetit dhe vrapoi për të ndihmuar viktimën.
“Instinkti më tha të ndërhyja. Vrapova drejt autorit dhe e godita tre herë në kokë me shkop, me gjithë forcën që kisha. Ndërkohë, Andre u përpoq ta neutralizonte dhe ta mbante nën kontroll, në mënyrë që të largonim viktimën nga rreziku”, rrëfeu ai.
Falë ndërhyrjes së tyre, sulmuesi humbi kontrollin, ra në tokë dhe lëshoi thikën. Një kalimtar tjetër e largoi armën nga vendi i ngjarjes, ndërsa pak minuta më vonë mbërritën forcat e policisë, të cilat arrestuan autorin e dyshuar.
????HORRIFIC ATTEMPTED BEHEADING ON THE STREETS OF BELFAST ????
— ????????British and Proud???????? (@unionjackspirit) June 9, 2026
Graphic Warning ⚠️
Just after 10:30pm last night on Kinnaird Avenue, North Belfast, a man was slashed and stabbed in a frenzied attack, with the suspect on top of him on the ground repeatedly hacking at his head and…
Sipas McKiernan, viktima ishte ende e vetëdijshme kur mbërritën ekipet e emergjencës. Ai tregoi se burri kishte pësuar lëndime të rënda, veçanërisht në zonën e syrit.
“Jam i lumtur që arritëm të ndërhyjmë. Ishte një rastësi që ndodheshim aty në atë moment dhe besoj se vepruam ashtu siç duhej”, tha ai.
Burri i plagosur, rreth 40 vjeç pësoi dëmtime serioze në qafë dhe kokë. Sipas policisë, ai ishte goditur edhe në fytyrë, sy dhe shpinë, duke pësuar plagë të rënda që kërkuan trajtim të menjëhershëm mjekësor.
Pamjet e publikuara nga vendngjarja tregojnë McKiernan, Andre dhe një kalimtar tjetër duke u përpjekur të neutralizojnë sulmuesin deri në mbërritjen e policisë. Zyrtarë të lartë të sigurisë kanë vlerësuar se ndërhyrja e tyre e shpejtë ka të ngjarë t’i ketë shpëtuar jetën viktimës.
I dyshuari, një 30-vjeçar me shtetësi sudaneze, përballet me akuza për tentativë vrasjeje, mbajtje të një objekti të mprehtë në një vend publik dhe kërcënime ndaj jetës. Ai pritet të paraqitet para Gjykatës së Kurorës në Belfast gjatë ditës së mërkurë.
Sipas autoriteteve, i dyshuari kishte marrë leje qëndrimi në Mbretërinë e Bashkuar në shtator të vitit 2023, pasi kishte aplikuar për azil. Ai kishte mbërritur në Belfast në shkurt të po atij viti nga Dublini, pasi kishte udhëtuar fillimisht nga Parisi.
Ngjarja ka ngjallur reagime të shumta në opinionin publik, ndërsa veprimet e McKiernan dhe shokut të tij po vlerësohen gjerësisht si një akt guximi dhe humanizmi që ndihmoi në shmangien e një tragjedie edhe më të madhe.
Sondazh
Lexo gjithashtu
