Mali Olimp i lokalizuar në Greqi, është përfshirë nga UNESCO në Listën e Trashëgimisë Botërore, duke unjohur si mali më i lartë i vendit për vlerën e tij të jashtëzakonshme natyrore dhe kulturore.
Vendimi u miratua unanimisht në sesionin e 48-të të Komitetit të Trashëgimisë Botërore në Busan të Koresë së Jugut, duke e bërë Olimpin një nga vendet e pakta në mbarë botën të përcaktuara si një pronë e përzier e Trashëgimisë Botërore si për rëndësinë e saj kulturore ashtu edhe për atë natyrore.
Në mitologjinë greke, Olimpi nderohet si shtëpia e 12 perëndive, ai është gjithashtu një nga zonat më të pasura të biodiversitetit në Evropë. Mali është shtëpia e gati 2,000 taksoneve bimore, duke përfshirë dhjetëra specie që nuk gjenden askund tjetër në Tokë, si dhe kafshëve të rralla të egra.
Ky mbishkrim e çon numrin e përgjithshëm të vendeve të Trashëgimisë Botërore të UNESCO-s në Greqi në 21, duke përfshirë tre prona të përziera. Zyrtarët grekë e mirëpritën përcaktimin si një njohje ndërkombëtare historike që do të forcojë përpjekjet e ruajtjes dhe do të rrisë profilin global të njërit prej peizazheve më ikonike të vendit, raportojnë mediat greke.
Sondazh
Lexo gjithashtu
