Ashtu siç e paralajmëroi në videon e publikuar paraditen e sotme, Arkimed Lushaj, i njohur ndryshe si Stresi, i është bashkuar protestës së sotme para Kryeministrisë.
Në pamjet e siguruara nga mediat, Arkimed Lushaj së bashku me babanë e tij, ish-truprojë e Sali Berishës, shikohet i pranishëm në protestë.
“Kam 13 vite që dal në protesta e kam ngritur zërin për shqetësimet e qytetarëve. Unë kam dal kudo për protesta, për bindjet e mia. Sot nuk ka parti politike që hyn në mes, unë jam Arkimedi. Sot do të dalim të gjithë bashkë në protestën kombëtare, jemi me popullin që është sot fuqia më e madhe. Sot të gjithë në orën 6” u shpreh Stresi në videon e publikuar ditën e sotme në Instagramin e tij.
Kujtojmë se në garën e zhvilluar më 30 maj, Stresi arriti të siguronte një vend në Këshillin e ri Kombëtar të Partisë Demokratike.
Ndërsa sot, Stresi është parë i pranishëm në tubimin ku kërkohet ndryshimi i klasës politike që kanë qeverisur vendin prej vitesh, përfshirë këtu dhe Sali Berishën.
Reagimi i Stresit:
Photo Credits: Vip Magazine
Stresi në protestë
Babai i Stresit, Sali Lushaj
Sondazh
Lexo gjithashtu
