Ministri i Turizmit Blendi Gonxhe ka provuar këtë të shtunë, për herë të parë, udhëtimin me hidroplan nga Aeroporti i Rinasit në Tiranë, në drejtim të liqenit të Ohrit në Pogradec, për vetëm 20 minuta.
Në këtë udhëtim të parë dhe promovues, ai ka qenë i shoqëruar nga Maksim Ethemaj, shefi i Aviacionit Civil Shqiptar, një fluturim simbolik me rastin e çeljes së sezonit veror në Pogradec.
Megjithatë, ministri premtoi se shumë shpejt Shqipëria do të ketë stacione edhe për udhëtime me mjete turistike e panoramike, linja e taksi ajrore për pasagjerë nga vendet fqinje por dhe lëvizje brenda vendit.
Sipas Blendi Gonxhes, vendi ynë ka plot destinacione të bukura që me pak investim e një infrastrukturë modeste, mund të operojnë hidroplanë tokë-ujë e mjete fluturuese private që i japin vlerë turizmit shqiptar dhe çdo transporti praktik.
"Nga Rinasi drejt liqenit të Ohrit me hidroplan, për 20 minuta, për herë të parë! Bashkë me Maksim Ethemaj, shefin e Aviacionit Civil për një fluturim simbolik me rastin e çeljes së sezonit veror në Pogradec, ku do kemi takime pune e inspektime mbi projekte që fuqizojnë turizmin, ndërlidhjen, promovimin e natyrës dhe trashëgimisë kulturore.
Qytetet a zonat ku kemi det e liqene mund të jenë stacione edhe për udhëtime me mjete turistike e panoramike, linja e taksi ajrore për pasagjerë nga vendet fqinje por dhe lëvizje brenda vendit, e jo vetëm, por dhe destinacione ku me pak investim e një infrastrukturë modeste mund të shërbehet, parkohen e operojnë hidroplanë tokë-ujë e mjete fluturuese private që i japin vlerë turizmit shqiptar dhe çdo transporti praktik", shkruan ministri.
Sondazh
Lexo gjithashtu
