Protesta kundër projektit të Zvërnecit, i cili ka ndikimin në lagunën e Nartës, është futur në ditën e nëntë të saj. Protestuesit kërkojnë anulimin e këtij projekti, i cili sipas tyre dëmton ekosistemin dhe bën që shpendë si flamengot, të largohen nga ky territor.
Por duket se një mbështetje indirekte për protestuesit, ka bërë edhe delegacioni i BE-së në vendin tonë. Në një postim në Facebook, zyra e BE-së në vendin tonë, shkruan se shpendët duhet të mbrohet, pasi 49% e specieve të tyre, është në rrezik zhdukje.
Më tej në postim theksohet se shpendët janë thelbësorë për natyrën dhe zhdukja e tyre prish ekulibrat e ekosistemit.
“Por humbja e habitateve dhe ndotja po i shtyjnë shumë specie drejt zhdukjes, duke e bërë natyrën më të heshtur çdo ditë”, nënvizohet në postim.
Ndërsa po ashtu bëhet thirrje për mbrojtjen e habitateve, e cila mund të përkthehet në një mbështetje për protestuesit që prej disa ditësh kundërshtojnë projektin në Zvërnec.
Postimi i plotë:
Një këngë shpendi është më shumë se tingull, është shenjë e një natyre që jeton dhe merr frymë.
Mbi 49% e specieve të shpendëve në botë janë në pakësim, një sinjal i qartë se ekuilibri i ekosistemeve po vihet në provë.
Shpendët janë thelbësorë për natyrën: shpërndajnë fara, kontrollojnë insektet dhe ndihmojnë që ekosistemet të funksionojnë në mënyrë të shëndetshme.
Por humbja e habitateve dhe ndotja po i shtyjnë shumë specie drejt zhdukjes, duke e bërë natyrën më të heshtur çdo ditë.
Mbro habitatet natyrore, përpara se qielli të mbetet pa këngë shpendësh.
Mbro natyrën, sa je në kohë
Sondazh
Lexo gjithashtu
