Një vajzë 10 vjeçare që kishte ardhur me prindërit në Shqipëri për pushime, ka rrezikuar të mbytet në vendin e njohur si Uji i Zi në Këlcyrë. Turistët e huaj kanë qenë duke pushuar, kur vajza e tyre është futur në ujë.
Rrjedha e fortë e lumit e ka marrë me vete dhe familja nuk mund të bënte asgjë. Mediat lokale në Këlcyrë tregojnë se në zonë ka qenë edhe i riu Ervin Manellari, i cili nuk e ka menduar dy herë dhe është futur në ujë.
Ai ka mundur të arrijë vogëlushen që kishte ardhur bashkë me familjen në vendin e njohur si Uji i Zi dhe pas disa përpjekjesh, të dy kanë dalë shëndoshë e mirë nga uji.
Falë guximit dhe reagimit të menjëhershëm të Ervin Manellarit, një banor i Këlcyrës, turistja e huaj është shpëtuar dhe është bashkuar më familjen. Një tragjedi që fatmirësisht është shmangur dhe shembull është bërë i vërtetë trimërie dhe humanizmi.
Sondazh
Lexo gjithashtu
