Donald Trump ka bërë një deklaratë ku thotë se Shtetet e Bashkuara dhe Irani janë shumë pranë një marrëveshjeje. Ai theksoi se bllokada detare do të vazhdojë derisa të nënshkruhet marrëveshja dhe se koha e nënshkrimit do të shpallet së shpejti.
Trump shtoi se diskutimet kanë arritur nivelin më të lartë të udhëheqjes iraniane dhe janë miratuar, ndaj ai ka vendosur të anulojë bombardimet që kishte paralajmëruar për sonte.
Sipas tij, palët e përfshira, përveç SHBA-së edhe vende si Izraeli, Arabia Saudite, Emiratet e Bashkuara Arabe, Katari, Turqia, Pakistani, Bahreini, Kuvajti, Jordania dhe Egjipti kanë rënë dakord si për pikat kryesore, ashtu edhe për detajet e marrëveshjes.
Reagimi i parë i tregjeve ishte pozitiv, me çmimin e naftës Brent që ra me rreth 3.5% dhe zbriti nën 90 dollarë për fuçi.
“Bazuar në faktin se diskutimet me Republikën Islamike të Iranit kanë arritur nivelin më të lartë të udhëheqjes iraniane dhe janë miratuar, unë, si President i Shteteve të Bashkuara të Amerikës, kam anuluar sulmet dhe bombardimet e planifikuara kundër Iranit për sonte. Diskutimet dhe pikat përfundimtare janë miratuar, si në terma të përgjithshëm ashtu edhe në detaje, nga të gjitha palët e përfshira, përfshirë Shtetet e Bashkuara, Izraelin, Arabinë Saudite, Emiratet e Bashkuara Arabe, Katarin, Turqinë, Pakistanin, Bahreinin, Kuvajtin, Jordaninë, Egjiptin dhe të tjerë. Bllokada detare do të mbetet në fuqi të plotë derisa të finalizohet kjo Marrëveshje, koha dhe vendi i nënshkrimit do të njoftohen së shpejti .”-shkruan trump
Sondazh
Lexo gjithashtu
