Tensione janë regjistruar në ditën e 30-të të protestës, ndërsa qytetarët ishin mbledhur sërish në shesh dhe vijonin marshimin e tyre, kur një grup studentësh kanë shpalosur një banderolë gjigande nga ambientet e Universitetit Politeknik.
Në banderolë shkruhej: “Studentët: Ju erdhi fundi. Shqipëria nuk është në shitje”, një mesazh që ka tërhequr vëmendjen e të pranishmëve dhe ka sjellë reagim të menjëhershëm nga rojet e sigurisë të kompanisë “Illyrian Guard”.
Menjëherë pas shpalosjes së saj, efektivë të “Illyrian Guard” janë futur brenda ambienteve të Universitetit Politeknik me qëllim heqjen e banderolës nga duart e studentëve. Kjo ndërhyrje ka sjellë tensione dhe përplasje mes palëve, ndërsa burime për mediat bëjnë me dije se studentët janë kyçur me çelës nga rojet në katin e fundit të godinës.
Situata është përshkallëzuar më tej, pasi pas këtyre përplasjeve një pjesë e protestuesve janë shkëputur nga zona pranë Kryeministrisë dhe janë drejtuar me vrap drejt Universitetit Politeknik, në shenjë solidarizimi me studentët që mbetën të bllokuar brenda Korpusit.
Përditësim lajmi, ora 20:45
Pas tensioneve të regjistruara me forcat e sigurisë, studentët dhe protestuesit kanë arritur të rimarrin sërish banderolën, të cilën e kanë shpalosur përsëri dhe janë nisur në drejtim të Kryeministrisë, ku ndodhen edhe protestuesit e tjerë.
View this post on Instagram
Sondazh
Lexo gjithashtu
